Samtök iðnaðarins og Rannís standa fyrir kynningarfundi 7. febrúar 2024 kl. 8.30-10:00 í fundarsalnum Hyl, 1. hæð í Húsi atvinnulífsins, Borgartúni 35.

Tilkynnt hefur verið um úthlutun styrkja úr Jules Verne sem er samstarfsverkefni Frakklands og Íslands á sviði vísinda- og tæknirannsókna. 

Alls bárust sjóðnum 46 umsóknir. Þar af voru 44 gildar umsóknir sem voru metnar af fagráði. Samtals var sótt um 1.273 milljónir króna til sjóðsins; 764 milljónir til sex verkefna á vegvísi, og um 509 milljónir til 38 verkefna utan vegvísis. 

Sviðslistaráð auglýsir eftir umsóknum um sérstaka styrki til óperuverkefna 2024/25. Umsóknarfrestur er til 23. febrúar 2024 kl. 15:00

Umsóknarfrestur í Sviðslistasjóð rann út 2. október 2023. Alls bárust 108 umsóknir og sótt var um ríflega 1,3 milljarð króna í sviðslistasjóð og launasjóð sviðslistafólks (1.357 mánuðir í launasjóð). 

Framkvæmdastjórn Evrópusambandsins hefur boðað til opins samráðs um mat á European Solidarity Corps (ESC) áætluninni. Hægt er að taka þátt í samráðinu til 5. febrúar næstkomandi.

Óskað er eftir tilnefningum til Hvatningarverðlauna Rannsóknasjóðs. Frestur til að skila inn tilnefningum er til og með 26. febrúar 2024.

Umsóknarfrestur er nú opinn um KA3 verkefni sem styðja styrkhafa í að prófa sig áfram með ákveðna stefnumótun á sviði menntunar. Um er að ræða miðstýrðan verkefnaflokk, en það þýðir að umsjón með honum er ekki í höndum landskrifstofa heldur skrifstofunnar Education and Culture Executive Agency (EACEA), sem starfar í í Brussel. Sú skrifstofa stendur fyrir upplýsingafundi um frestinn og fer hann fram á netinu þann 6. febrúar. 

Heiðar Snær Ásgeirsson og Gonzalo Patricio Eldredge Arenas hljóta Nýsköpunarverðlaun forseta Íslands 2024 fyrir verkefnið Umhverfisvænt sementlaust AlSiment steinlím.

Íþróttanefnd hefur ákveðið að úthluta 27,9 milljónum til 74 verkefna fyrir árið 2024. Nefndinni bárust alls 179 umsóknir að upphæð rúmlega 250 m. kr. um styrki úr Íþróttasjóði vegna ársins 2024.

67 rannsóknaverkefni hlutu styrk úr Rannsóknasjóði árið 2024. Öndvegisstyrkir voru fjórir, verkefnisstyrkir 30, nýdoktorsstyrkir 11 og 22 doktorsnemastyrkir.

Árið 2024 verður Evrópska ungmennavikan haldin hátíðleg dagana 12.-19. apríl. Vikan er haldin annað hvert ár um alla Evrópu þar sem vakin er athygli á margskonar tækifærum sem eru í boði fyrir ungt fólk og þeim frábæra árangri sem náðst hefur í æskulýðsstarfi.

UK-Iceland Explorer námsstyrkjasjóðurinn er liður í auknu samstarfi milli Íslands og Bretlands á sviði menntunar, rannsókna, nýsköpunar og geimvísinda. Umsóknarfrestur í sjóðinn er til og með 5. apríl kl. 15:00.

Nýsköpunarverðlaun forseta Íslands verða afhent við hátíðlega athöfn á Bessastöðum, 18. janúar næstkomandi. Verðlaunin eru veitt þeim námsmönnum sem hafa unnið framúrskarandi starf við úrlausn verkefna sem styrkt voru af Nýsköpunarsjóði námsmanna árið 2023. 

Stjórn Rannsóknasjóðs hefur lokið við úthlutun styrkja til nýrra rannsóknaverkefna fyrir árið 2024. Alls bárust 353 gildar umsóknir í Rannsóknasjóð og voru 67 þeirra styrktar eða 19% umsókna.

Fundurinn verður haldinn þriðjudaginn 30. janúar 2024 kl. 9:00-10:00 í húsnæði Rannís, Borgartúni 30, í Hvammi á 3. hæð og á Teams.

Rannís auglýsir eftir umsóknum um styrki til sumarnámskeiða Samstarfsnefndar um endurmenntun framhaldsskólakennara (SEF). Umsóknarfrestur er til 15. febrúar 2024 kl. 15:00

Vinsamlegast athugið: vegna veðurs er fundi á Selfossi 18. janúar frestað. Þriðjudaginn 16. janúar verður kynning á vegum Rannís í Borgarnesi og fimmtudaginn 18. janúar sækir Rannís Selfoss heim og munu fulltrúar Rannís kynna ýmis tækifæri og styrki, m.a. Erasmus+ og Nordplus.

Frestur til að sækja um styrki úr sjóðnum rennur út fimmtudaginn 15. febrúar 2024 klukkan 15:00. Hlutverk sjóðsins er að styrkja verkefni á vegum æskulýðsfélaga og æskulýðssamtaka.

Þann 17. janúar næstkomandi fer fram fyrsta fyrirtækjastefnumót Miðstöðvar stafrænnar nýsköpunar á Íslandi (EDIH-IS) og er það haldið í samstarfi við Ferðamálastofu og Íslenska ferðaklasann.

Umsóknarfrestur er til 15. febrúar 2024 kl. 15:00. Sprotasjóður er sameiginlegur sjóður fyrir leik-, grunn- og framhaldsskóla. Sjóðurinn styður við þróun og nýjungar í skólastarfi í samræmi við menntastefnu stjórnvalda og aðalnámskrá.

Umsóknarfrestur er 15. febrúar 2024, kl. 15:00. Hlutverk Þróunarsjóðs námsgagna er að stuðla að nýsköpun, þróun, gerð og útgáfu námsgagna fyrir leik-, grunn- og framhaldsskóla í því markmiði að tryggja framboð og fjölbreytileika námsgagna í samræmi við þarfir nemenda og skóla.