Umsóknir og eyðublöð

Mennta- og barnamálaráðuneyti fer með yfirstjórn sjóðsins. Rannís annast umsýslu og afgreiðslu styrkumsókna fyrir hönd ráðuneytis. Umsóknareyðublað sjóðsins er á rafrænu formi. Fyrirtæki og stofnanir senda inn eina umsókn og fylla sérstaklega út upplýsingar fyrir hverja námsbraut. Til þess að nálgast umsóknareyðublaðið þarf að tengjast umsóknarkerfi Rannís.

Styrktímabil

Styrktímabilið er frá 1. janúar til 31. desember, ár hvert. Umsóknafrestir eru auglýstir á forsíðu Rannís og á forsíðu sjóðsins.

• Fjárhæð styrkja ræðst af framlögum á fjárlögum til málaflokksins og eftirspurn.

• Veittir eru styrkir til þeirra sem uppfylla skilyrði; grunngjald fyrir hverja viku sem nemandi er í vinnustaðanámi, þó að hámarki 20.000 kr. á viku. Athugið að þessi upphæð getur verið lægri og fer hún eftir eftirspurn og fjölda umsókna.

• Hámarks vikufjöldi fyrir hvern nema eru 48 vikur á ári.

Umsóknarferlið

• Sótt er um í gegnum umsóknarkerfi Rannís.
• Stofnanir og fyrirtæki senda inn eina umsókn. Hún er tvískipt, þar sem annarsvegar eru upplýsingar um fyrirtækið/stofnunina sem sækir um og hinsvegar upplýsingar um fjölda nema og fjölda vikna í hverri námsgrein fyrir sig.
• Umsóknir skulu sendar inn rafrænt eigi síðar en kl. 15:00 á síðasti degi umsóknarfrests.

Fylgigögn

• Hverjum nema skal fylgja launamiði, síðasti launaseðill ársins eða annars konar gögn sem staðfesta að umsóttar vikur hafi verið unnar á árinu.