Íslenskukennsla fyrir útlendinga

islenskukennsla.utlendinga(hja)rannis.is


Fyrir hverja?

Um er að ræða styrki til íslenskukennslu fyrir útlendinga sem búsettir eru hér á landi, og skráðir eru með lögheimili í Þjóðskrá. Hælisleitendur eru undanþegnir kröfu um skráningu í Þjóðskrá meðan málefni þeirra eru til skoðunar hjá stjórnvöldum.

Til hvers?

Veittir eru styrkir til fræðsluaðila og fyrirtækja og stofnana er bjóða nám í íslensku sem ekki er hluti af almennu námi á grunn- eða framhaldsskólastigi.

Umsóknarfrestur

Umsóknarfrestur vegna ársins 2022: 7. desember kl: 15.00. Auglýsing.

Senda fyrirspurn.

EN

Viðbótarúthlutun 2021-2022

Áformað er að verja allt að 150 m.kr. til íslenskukennslu útlendinga árið 2021-22 sem viðbót við fjármagn sem útdeilt er fyrir hvort árið um sig. Úthlutuninni er ætlað að svara aukinni eftirspurn og er miðuð að námskeiðum sem haldin verða síðari hluta árs 2021 og fyrri hluta árs 2022. Umsóknarfrestur um viðbótarúthlutun er til 5. nóvember 2021, kl. 15:00.

Hvert er markmiðið?

Markmiðið með styrkjunum er að gefa öllum sem búsettir eru hér á landi og skráðir eru með lögheimili í Þjóðskrá, tækifæri á að öðlast  nauðsynlega færni í íslensku til að þeir geti orðið virkir samfélagsþegnar á Íslandi. 

Hverjir geta sótt um?

Rétt til að sækja um styrk eiga viðurkenndir framhaldsfræðsluaðilar sem bjóða námskeið í íslensku fyrir útlendinga sem búsettir eru hér á landi og  fyrirtæki og stofnanir sem bjóða starfsmönnum sínum upp á skipulagða kennslu í íslensku. Fyrirtæki eða stofnanir sem eru á fyrirtækjaskrá og ekki eru viðurkenndir fræðsluaðilar, þurfa að hafa samning við hæfan viðurkenndan fræðsluaðila er annast kennsluna.

Hvað er styrkt?

Styrkurinn gildir aðeins fyrir nám í íslensku sem ekki er hluti af almennu námi á grunn- eða framhaldsskólastigi.

Skilyrði úthlutunar

Umsækjandi skal senda inn umsókn í rafrænu umsóknakerfi Rannís og  veita Rannís upplýsingar um fjölda námskeiða, kennslustundafjölda fjölda námskeiðsstunda, nemendafjölda, kennslutíma, tengingu við Evrópska tungumálarammann, um námskeiðskostnað og fjármögnun.   Fyrir lokauppgjör skal umsækjandi  einnig skila upplýsingum um framkvæmd námskeiðs til Rannís samkvæmt þeim reglum sem gerðar eru um gagnaskil.

Hlutverk Rannís

Mennta- og menningarmálaráðuneyti úthlutar styrkjunum. Rannís annast umsýslu og afgreiðslu styrkumsókna fyrir hönd ráðuneytisins.

Nánari upplýsingar

  • Skúli Leifsson, s. 5155843
  • Tekið er á móti fyrirspurnum á islenskukennsla.utlendinga (hja) rannis.is







Þetta vefsvæði byggir á Eplica