Umsækjendur sumarnámskeiða skulu vera bókhaldsskyldar fræðslustofnanir; svo sem háskólar, framhaldsskólar, fræðslumiðstöðvar og símenntunarstofnanir. Faggreinafélög geta, í samstarfi við fræðslustofnanir, sótt um styrk til að halda greinabundin sumarnámskeið.
Skilyrði er að skilað sé inn umsókn í gegnum rafræna umsóknakerfi Rannís
Félög tungumálakennara geta sótt um styrki vegna námskeiða erlendis annað hvert ár, en önnur félög á þriggja ára fresti. Góður rökstuðningur skal liggja fyrir ástæðu þess að halda námskeiðið erlendis.
Framhaldsskólar geta sótt um styrk til að halda endurmenntunarnámskeið fyrir kennara sína. Góður rökstuðningur skal liggja fyrir ástæðu þess að námskeiðið sé haldið.
Samstarfsnefnd um endurmenntun framhaldsskólakennara (SEF) mun fara yfir umsóknir og taka ákvörðun um hvort námskeið verði styrkt eða ekki.
Styrkur verður greiddur út til fræðslustofnunar að námskeiði loknu, þegar lokaskýrsla og endanlegt uppgjör, ásamt nauðsynlegum fylgigögnum, hefur borist Rannís.
Meðfylgjandi er yfirlit yfir þær upphæðir sem nefndin miðar við við úthlutun styrkja.
Hafa skal til viðmiðunar neðangreindar upphæðir við úthlutun styrkja vegna sumarnámskeiða fagfélaga.
Við kostnaðaráætlun er rétt að gera ráð fyrir eftirfarandi þáttum:
Laun fyrir 1 fyrirlestur (60 mín.) er kl. 16.500,-
Laun fyrir verklega lýsingu/umræðutíma/aðstoðarmenn er kr. 6.000,
Laun fyrir faglega umsjón með námskeiði (til umsjónarmanns fagfélags) er kr. 36.000,- til kr. 60.000 (sjá töflu).
Húsaleiga, leiga á tækjabúnaði og námsgögn: tilfallandi
Kaffiveitingar eru u.þ.b. kr. 500,- x fjöldi þátttakenda x kaffitímar.
Dæmi um sundurliðun kostnaðar fyrir námskeið:
| mv. 20 þátttakendur | Einn dagur | Tveir dagar | Þrír dagar | Fjórir dagar | Fimm dagar |
| Laun fyrirlesara 16.500 kr.x8 klst., einn dagur | 132.000 | 264.000 | 396.000 | 528.000 | 660.000 |
| Umsjónarlaun fagfélags | 36.000 | 48.000 | 60.000 | 60.000 | 60.000 |
| Námsgögn (dæmi) | 6.000 | 12.000 | 18.000 | 24.000 | 30.000 |
| Kaffi fyrir og eftir hádegi | 20.000 | 40.000 | 60.000 | 80.000 | 100.000 |
| Umsjónarkostnaður námskeiðshaldara | Ræðst af umfangi vinnu | ||||
Ef erlendur fyrirlesari er á námskeiðinu þá greiðir nefndin fargjald og gistingu fyrir hann.
Ef námskeið er haldið úti á landi má sækja um styrk vegna rútukostnaðar (gisting úti á landi er á kostnað þátttakenda).
Þeir þátttakendur sem sækja námskeið og búa í meira en 50 km. fjarlægð frá Reykjavík geta sótt um endurgreiðslu á ferða- og/eða gistikostnaði.
Til að þátttakendur fái endurgreiðslu vegna útlagðs kostnaðar þarf að skila inn reikningi/kvittun fyrir þeim kostnaði, ásamt upplýsingum um bankareikning sem hægt er að leggja styrkinn inná, til námskeiðshaldara. Vegna aksturs er nóg að senda sömu upplýsingar í tölvupósti á umsjónaraðila námskeiðs. Námskeiðshaldari heldur utan um þennan kostnað og greiðir einstaka kennurum, en kostnaður er endurgreiddur af SEF við uppgjör námskeiðs.
Ekki er greitt fyrir ferðir innan Reykjavíkur (s.s. bílaleigubílar, leigubílar eða annað).
Ekki er greitt sérstaklega fyrir fæði.
| Flug að hámarki | Akstur að hámarki | Gisting að hámarki, pr. nótt | |
| Grundarfjörður | 13.500 | 12.700 | |
| Ísafjörður | 39.000 | 27.000 | 12.700 |
| Sauðárkrókur | 21.000 | 12.700 | |
| Akureyri | 37.500 | 24.000 | 12.700 |
| Laugar | 37.500 | 25.500 | 12.700 |
| Húsavík | 37.500 | 25.500 | 12.700 |
| Egilsstaðir | 43.500 | 40.500 | 12.700 |
| Neskaupstaður | 49.500 | 46.500 | 12.700 |
| Höfn | 40.500 | 28.500 | 12.700 |
| Vestmannaeyjar | 31.500 | 18.000 (Herj.+akstur) | 12.700 |
| Laugarvatn | 6.000 | 12.700 | |
| Akranes | 6.000 | ||
| Keflavík | 4.500 | ||
| Selfoss | 5.300 |
Ef faggreinafélög halda námskeið erlendis, verður það að vera á námskeið skipulagt af viðurkenndri menntastofnun erlendis eða sýnt fram á með vönduðum hætti hver gagnsemin er fyrir viðkomandi faggreinafélag.
Einungis eru styrkt námskeiðsgjöld, ferðir fyrir kennara utan af landi til Reykjavíkur og þóknun til skipuleggjanda fagfélags, gjald að hámarki 200.000 krónur (inni í þeirri upphæð er ferðastyrkur fyrir skipuleggjanda námskeiðsins sem starfar innan félagsins). Ferðir, uppihald, gisting, leigubílar o.þ.h. eru ekki styrkt af SEF. Stjórn SEF áskilur sér að auki alltaf þann rétt að setja þak á styrkupphæðir.
Tungumálakennarar geta farið út annað hvert ár og önnur félög þriðja hvert ár.
Góð rök skulu liggja fyrir gagnsemi þess að sækja námskeiðið erlendis.
