LISTSKÖPUN Í FORGRUNNI
Stjórn listamannalauna leggur áherslu á að vinna og verkefni til grundvallar umsóknar um starfslaun sé í forgrunni við mat á umsóknum um starfslaun.
Matskvarðinn sem notaður er við úthlutun endurspeglar þá áherslu og vegur lýsing á vinnu og verkefni 50%, ferill listamanns 30% og verk- og tíma áætlun 20%.
FJÖLBREYTNI OG NÝLIÐUN
Stjórn listamannalauna leggur áherslu á að úthlutanir endurspegli þá fjölbreyttu flóru listafólks og listsköpunar sem blómstrar á hverjum tíma.
Til að tryggja eðlilega nýliðun skal úthluta að lágmarki 5% mánaða hvers sjóðs til listamanna sem aldrei hafa fengið úthlutanir áður.
Lengd listamannalauna
Samkvæmt reglugerð skulu starfslaun veitt til 6, 9 , 12, 18 eða 24 mánaða. Stjórn listamannalauna mælist til þess að ekki séu veittir fleiri en 12 mánuðir í senn. Úthlutanir til styttri tíma en 6 mánaða skulu ekki vera skemmri en til 3 mánaða og mega ekki fara yfir 10% mánaðarfjölda hvers sjóðs, fyrir utan samstarfsúthlutanir til tónlista- og sviðslistahópa. Æskilegt er að umsóknir endurspegli tilgreindan mánaðarfjölda reglugerðarinnar .
Sýnileiki listamannalauna
Launþegum sjóðsins ber að geta þess við birtingu umsóknaverka sinna að þeir hafi notið listamannalauna. Merki listamannalauna er að finna hér.
Almennar upplýsingar og leiðbeiningar um gerð umsókna
Sjá undir „ Umsóknir og mat umsókna “ leiðbeiningar um gerð umsókna og almenn atriði sem hafa ber í huga. Sjá einnig undir „ Spurt og svarað “ ýmist atriði sem reglulega er spurt um.
