Jafnréttissjóður - auglýst eftir umsóknum - 1. september 2006
Hér með er auglýst eftir umsóknum um styrki úr Jafnréttissjóði. Í samræmi við hlutverk sjóðsins verða í ár annars vegar veittir styrkir til rannsókna á stöðu kvenna og karla á vinnumarkaði bæði að því er varðar launakjör og áhrif og hins vegar til rannsókna á áhrifum gildandi löggjafar hér á landi s.s. lögum um sjálfstæðan rétt feðra til fæðingaorlofs.
Tilgangur jafnréttissjóðs er að efla kynjarannsóknir og stuðla þannig að bættri
stöðu karla og kvenna og framgangi jafnréttis.
Hér með er auglýst eftir umsóknum um styrki úr Jafnréttissjóði. Í samræmi við
hlutverk sjóðsins verða í ár annars vegar veittir styrkir til rannsókna á
stöðu kvenna og karla á vinnumarkaði bæði að því er varðar launakjör og áhrif
og hins vegar til rannsókna á áhrifum gildandi löggjafar hér á landi s.s. lögum
um sjálfstæðan rétt feðra til fæðingaorlofs.
Gert er ráð fyrir að sjóðurinn hafi 10 millij. kr. til ráðstöfunar fyrir hvert
starfsár og að styrkir séu ekki færri en þrír og ekki fleiri en fimm.
Gerðar eru skýrar faglegar og fræðilegar kröfur til umsækjanda. Ekki verða
veittir styrkir til verkefna sem þegar er lokið.
Einungis verður tekið við umsóknum á þar til gerðum eyðublöðum. Þau má finna á
vefsíðu forsætisráðuneytis (www.forsaetisraduneyti.is, jafnréttissjóður). Enn
fremur má nálgast eyðublöð á skrifstofu ráðuneytisins, Stjórnarráðshúsinu við
Lækjartorg (sími 545 8400, netfang postur@for.stjr.is).
Umsóknarfrestur er til 1. september 2006 og verður úthlutað úr sjóðnum á degi
Sameinuðu þjóðanna, 24. október 2006. Umsóknir til jafnréttissjóðs skal senda
forstætisráðuneytinu, Stjórnarráðshúsinu við Lækjartorg, 150 Reykjavík.
Jafnréttissjóður starfar samkvæmt reglum nr. 513/2006, um úthlutun styrkja
Jafnréttissjóðs.