Nýr umhverfis- og orkurannsóknasjóður
Orkuveita Reykjavíkur, ásamt háskólunum á höfuðborgarsvæðinu, hefur stofnsett sjálfstæðan sjóð sem ætlað er að vera samstarfsvettvangur um orku- og umhverfisrannsóknir. Stofnfjárframlag sjóðsins er eitt hundrað milljónir króna og er stefnt að því að Orkuveitan leggi um hálft prósent af tekjum sínum til sjóðsins árlega.
Orkuveita Reykjavíkur, ásamt háskólunum á höfuðborgarsvæðinu, hefur stofnsett sjálfstæðan sjóð sem ætlað er að vera samstarfsvettvangur um orku- og umhverfisrannsóknir. Stofnfjárframlag sjóðsins er eitt hundrað milljónir króna og er stefnt að því að Orkuveitan leggi um hálft prósent af tekjum sínum til sjóðsins árlega.
Umhverfis- og orkurannsóknasjóðurinn er í eigu Orkuveitu Reykjavíkur sem mun ásamt sjö háskólum, á þjónustusvæði fyrirtækisins bera faglega ábyrgð á sjóðnum. Háskólarnir eru; Háskóli Íslands, Háskólinn í Reykjavík, Listaháskóli Íslands, Kennaraháskóli Íslands, Landbúnaðarháskóli Íslands, Háskólinn á Bifröst og Jarðhitaskóli Háskóla Sameinuðu þjóðanna.
Hlutverk sjóðsins er að vera rannsóknarsjóður sem hefur það að markmiði að efla rannsóknir á sviði umhverfis- og orkumála.
Markmið Orkuveitunnar með stofnun sjóðsins er:
- Tryggja stöðu Orkuveitunnar sem leiðandi orkufyrirtækis í náinni framtíð.
- Treysta samkeppnisstöðu fyrirtækisins með tækni og hugviti, sem eykur arðsemi fyrirtækisins heima og erlendis.
- Tryggja samkeppnisforskot Orkuveitunnar sem stærstu hitaveitu í heimi, sem eingöngu nýtir jarðvarma.
- Fyrirtækið verði miðpunktur í samstarfi vísindamanna og hugmyndasmiða um nýjar lausnir í umhverfis- og orkumálum.
- Miðlun hugvits sem útflutningsvöru á sviði umhverfis- og orkumála.
- Fá aðgang að nýjum umhverfisvænum orkugjöfum framtíðarinnar.
Sjóðurinn veitir styrki til verkefna vísindamanna sem starfa við háskóla og rannsóknastofnanir þeirra á þjónustusvæði Orkuveitu Reykjavíkur.
Veittir verða styrkir í tveimur flokkum:
- Opnum flokki, þar sem frumkvæði að verkefnunum kemur frá háskólunum.
- Lokuðum flokki þar sem Orkuveita Reykjavíkur í samstarfi við sjóðsstjórn óskar eftir tilboðum í fyrirfram skilgreind rannsóknarverkefni.
Samstarfið hefur það að leiðarljósi að:
- Gera umhverfis- og orkurannsóknir að spennandi valkosti fyrir unga vísindamenn.
- Fá aðgang að bestu hugmyndum og tryggja þeim framgang.
- Efla samstarf atvinnulífs og háskólaumhverfis í umhverfis- og orkurannsóknum.
- Efla íslenska háskóla sem rannsóknarháskóla og um leið samkeppnisstöðu þeirra.
- Auðvelda íslenskum háskólum að taka þátt í stórum alþjóðlegum umhverfisverkefnum.
- Íslenskir háskólar verði í forystuhlutverki á heimsvísu í umhverfis- og orkurannsóknum.
Fjórtán manna vísindaráð skipað fulltrúum frá öllum háskólunum og OR skal skipa fimm manna sjóðsstjórn sem annast úthlutun.
Nánari upplýsingar gefa:
Guðlaugur Þór Þórðarson, stjórnarformaður Orkuveitu Reykjavíkur - sími: 895 55 25
Guðmundur Þóroddsson, forstjóri Orkuveitu Reykjavíkur - sími: 617 77 10
Að undirritun samkomulagsins komu:
- Dr. Kristín Ingólfsdóttir, rektor Háskóla Íslands.
- Dr. Guðfinna S. Bjarnadóttir, rektor Háskólans í Reykjavík.
- Runólfur Ágústsson, rektor Háskólans á Bifröst.
- Ágúst Sigurðsson, rektor Landbúnaðarháskóla Íslands.
- Dr. Ólafur Proppe, rektor Kennaraháskóla Íslands.
- Hjálmar H. Ragnarsson, rektor Listaháskóla Íslands.
- Dr. Ingvar Birgir Friðleifsson, forstöðumaður Jarðhitaskóla Háskóla Sameinuðu þjóðanna.
- Guðlaugur Þór Þórðarson, stjórnarformaður Orkuveitu Reykjavíkur.
- Guðmundur Þóroddsson, forstjóri Orkuveitu Reykjavíkur.
- Þorgerður Katrín Gunnarsdóttir, menntamálaráðherra.
Að undirbúningi stofnunar sjóðsins komu auk rektora háskólanna:
- Guðlaugur Þór Þórðarson, stjórnarformaður OR.
- Björn Ingi Hrafnsson, varaformaður stjórnar OR.
- Haukur Leóson, stjórnarmaður í OR.
- Guðmundur Þóroddsson, forstjóri OR.
- Ásgeir Margeirsson, framkvæmdastjóri OR.
- Dr. Einar Gunnlaugsson, deildarstjóri rannsókna OR.
- Dr. Loftur Reimar Gissurarson, deildarstjóri umhverfismála OR.
- Dr. Inga Dóra Sigfúsdóttir, deildarforseti við Háskólann í Reykjavík.
- Dr. Þórólfur Þórlindsson, prófessor HÍ.
- Dr. Þorsteinn Ingi Sigfússon, prófessor HÍ.
- Dr. Ágúst Valfells, dósent HR.
- Dr. Brynhildur Davíðsdóttir, dósent HÍ.
- Dr. Guðrún Pétursdóttir, dósent og framkvæmdastjóri Stofnunar Sæmundar fróða um sjálfbæra þróun HÍ.
- Magnús Árni Skúlason, dósent við Háskólann á Bifröst.
- Dr. Tryggvi Þór Herbertsson, prófessor HÍ.
- Aðrir sérfræðingar og starfsmenn Orkuveitu Reykjavíkur.