Auglýst eftir náms-og rannsóknastyrkjum
Vísinda- og rannsóknarsjóður Fræðslunets Suðurlands auglýsir eftir
umsóknum um náms- og rannsóknarstyrk úr sjóðnum árið 2006.
Styrkurinn er ætlaður námsfólki sem vinnur að rannsóknarverkefni til
lokaprófs, BA/BS eða sambærilegrar eða hærri gráðu. Verkefni sem er
lokið þegar umsóknarfrestur rennur út telst ekki styrkhæft. Stjórn
Fræðslunets Suðurlands áskilur sér rétt til að leita eftir vottorði
umsjónarmanns um að verkefni sé ólokið.
Skilyrði fyrir styrkveitingu er að finna í starfsreglum sjóðsins sem
birtar eru í heild á heimasíðu Fræðslunets Suðurlands,
www.sudurland.is/fraedslunet, en þar kemur m.a. fram að
rannsóknarverkefnið skuli tengjast Suðurlandi og þjóni ótvíræðum
atvinnu-og/eða fræðilegum tilgangi fyrir Suðurland eða hluta Suðurlands.
Umsóknir um styrk ásamt ítarlegri verklýsingu og verkáætlun (sjá 5. gr.
starfsreglna) póstleggist til Fræðslunets Suðurlands, Tryggvagötu 25,
pósthólf 130, 802 Selfoss, í síðasta lagi 3. nóv. 2006.
Nánari upplýsingar veitir Ásmundur Sverrir Pálsson, framkvæmdastjóri
Fræðslunets Suðurlands, í síma 480 8155.