Auglýst eftir fyrstu umsóknum í 7. rannsóknaáætlun Evrópusambandsins
Ný rannsóknaáætlun Evrópusambandsins sem er sú sjöunda í röðinni tekur gildi nú um áramótin. Auglýst var eftir fyrstu umsóknum föstudaginn 22. desember. Umsóknargögn og upplýsingar um áherslusvið hafa því verið gerð opinber.
Umsóknarfrestir í áætlunina eru margir og ólíkir milli einstakra undiráætlana. Áhugasamir eru hvattir til að kynna sér innihald vinnuáætlana sem innihalda lýsingar á áherslusviðum og umsóknarfrestum með því að fara inn á upplýsingasíðuna Cordis á slóðinni http://cordis.europa.eu/fp7/calls/ .
Starfsfólk alþjóðasviðs RANNÍS veitir umsækjendum aðstoð við þátttöku í rannsóknaáætlunum Evrópusambandsins. Áhugasömum er bent á að hafa samband í síma 515 5800.
Föstudaginn 26. janúar verður haldin kynningarráðstefna fyrir umsækjendur um þátttökutækifæri í 7. rannsóknaáætluninni á Hótel Nordica. Öllum er frjálst að mæta sér að kostnaðarlausu.
