Er einhver fiskur eftir í sjónum? Sjöunda vísindakaffi í kvöld
Sjöunda vísindakaffið með almenning, þar sem vísindi eru rædd á mannamáli verður á efri hæð Kaffi Sólon í kvöld.
Sjöunda vísindakaffið - þar sem vísindin eru rædd á mannamáli - verður haldið í kvöld þá verður tekist á um sporðana. Við bjóðum dr. Guðrúnu Marteinsdóttur, prófessor í fiskifræði við Líffræðistofnun Háskóla Íslands og Vilhjálm Þorsteinsson, sérfræðing hjá nytjasviði Hafrannsóknastofnunar velkomin á efri hæð Kaffi Sólon að ræða og fræða um fiskana í sjónum.
Kaffistjórinn er og verður Davíð Þór Jónsson, þýðandi
Vísindakaffið hefst kl. 20.00 og stendu í um eina og hálfa klst.
Aðgangur er ókeypis og öllum heimill. Boðið eru uppá kaffisopa í sérstaklega merktum vísindadrykkjakönnum sem gestir eru hvattir til að taka með sér til minningar og gleði að vísindakaffi loknu.
Góða skemmtun!
