Verkefnið var þriggja ára verkefni styrkt af Rannsóknasjóði. Markmið rannsóknarinnar var að rannsaka i)fjölbreytileika og hraða loftborinna bakteríufruma sem falla úr andrúmsloftinu niður á yfirborð jarðar og ii)lífeðlisfræðilegan hæfileika þeirra, sem nýir landnemar, til að aðlagast og keppa við vistkerfi bakteríusamfélaga sem eru þar fyrir.

Haförnum (Haliaeetus albicilla) var nærri útrýmt á Íslandi í síðari hluta 19. aldar og á þeirri 20., líkt og víðar í Evrópu, bæði vegna ofsókna og notkunar á þrávirkum lífrænum eiturefnum. Örnunum fækkaði hér úr um 150 pörum um miðbik 19. aldar í 20 pör 1914, þegar stofninn var  friðaður.

Markmið verkefnisins var að skoða tilkomu og þróun frumsaminna riddarasagna í ljósi miðaldaævintýra (dæmisögur, exempla). Sérstök áhersla var lögð á Clári sögu keisarasonar, sem jafnan hefur verið talin
til riddarasagna, ýmist þýddra eða frumsaminna.

Ásýnd efri hlutar Skeiðarársands hefur tekið miklum breytingum í kjölfar þess að gróður fór að nema þar land, einkum eftir að birki (Betula pubescens spp. tortuosa) tók að vaxa upp. Landnám birkis hófst um 1990 af fræi sem kom að mestu frá Bæjarstaðarskógi og fannst á 35 km2 aldarfjórðungi síðar.

The main goal of the project was to investigate various syntactic issues that ditransitive verbs in Icelandic and Faroese give rise to, using naturalistic examples from corpora as well as carefully designed judgment tasks.

Í þessu verkefni skoðuðum við varmarafmagn og varmaflutningareiginleika hálfleiðandi kjarna/skeljar nanóvíra með reikniaðferðum, umfram línulega nálgun.

Rannsóknir á ungviði Atlantshafsþorsks (Gadus morhua) og ufsa (Pollachius virens) benda til lykilhlutverks búsvæða í strandsjó sem uppeldissvæði. Þrátt fyrir þetta mikilvægi er lítill skilningur á búsvæði og auðlindanýtingu fiskungviðis á Íslandi. Samsvæða nýting búsvæða seiða af mismunandi tegundum og stærðarflokkum getur leitt til samkeppni um nýtingu og breytinga á búsvæðavali, fæðuauðlindum og stærð bráðar.

Fengist var við grunnrannsóknir í kennilegri eðlisfræði á mörkum þyngdarfræði og skammtasviðsfræði.

The grant of excellence funded project ECO-EVO-DEVO dynamics of biodiversity: Mývatn threespine stickleback as a model is finished. In the project we used the highly polymorphic and phenotypically plastic threespine stickleback (Gasterosteus aculeatus) as a model species and the unique characteristics of Lake Mývatn as our model system to increase our understanding of processes that shape biodiversity.

This project investigated the isotopic compositions of Icelandic basalts to better understand how magmas are generated beneath Iceland and what is being melted deep beneath the surface of the Earth.

Doktorsverkefnið fjallar um loftslagsbreytingar á síðari hluta Ísaldar með áherslu á hafísþekju, hafstrauma og jöklabreytingar á Norðurhveli síðustu 165 þúsund ár.

Verkefnið fólst í að kanna myndun og stöðugleika margra Majorana núllhátta (e. zero modes) í ofurleiðandi kjarna-skeljar nanóvírum, sem nýlega hefur tekist að framleiða. Majorana núllhættir er áhugavert ástand sem getur komið fram við sértækar aðstæður í skammtakerfum og hefur eiginleika sem gerir þeim kleift að mynda grundvöll fyrir gallaþolnar skammtatölvur.

Plants play an integral role in nutrient cycling in soils. However, the forms of iron and other metals that are returned to the soil in plant litter or by vegetation ash after wildfire are not well known.

Byggðir norrænna manna á Grænlandi lögðust í eyði á 15. öld og hefur löngum verið talið að þar hafi verið harðbýlt mjög, skortur á hráefnum og samfélagið háð innflutningi á ýmsum lífsnauðsynjum. Verkefnið miðaði að því að greina stór söfn af trjáleifum og steingripum sem fundist hafa við
fornleifauppgrefti til að byggja upp heildstæða mynd af hráefnisöflun Grænlendinga.

Markmið þessa verkefnis var að gera heildræna greiningu af samdrætti í losun gróðurhúsalofttegunda frá samgöngum á Íslandi m.t.t. sjálfbærni með sérstakri áherslu á vegasamgöngur og umskipti fólksbílaflotans í rafbíla. Rannsóknarspurningar verkefnisins voru m.a. Hvernig mun rafvæðing fólksbílaflotans hafa áhrif á landfræðilega og tímatengda eftirspurn eftir rafmagni? Hver verða áhrif af rafvæðingu fólksbílaflotans á
raforkukerfið, allt frá framleiðslu til flutningskerfa? Hvernig má velja á milli mismunandi breytinga á samgöngum m.t.t. samdráttar í losun gróðurhúsalofttegunda og sjálfbærni? Hvernig lítur samgöngukerfi út sem bæði hefur lítil umhverfisáhrif og þrýstir ekki á þolmörk jarðar (vistkerfi jarðar eru því örugg, (“safe”) og er hagstætt og aðgengilegt öllum og því réttlátt (“just”)? Hvernig getur íslenska samgöngukerfið orðið bæði réttlátt og öruggt (“safe and just”)?

Þétting byggðar og ákafari úrkoma vegna hnattrænnar hlýnunar veldur áskorunum við miðlun ofanvatns frá þökum, götum og görðum. Horft er í auknum mæli til blágrænna innviða (BGI) sem fjölnota lausna til að gera borgir grænni, viðnámsþolnari við flóðum, og almennt að betri viðverustað. Þekkingarskortur á getu jarðvegs að geyma og hreinsa vatn á veturna hefur tafið fyrir innleiðingu BGI.

Í verkefninu fóru fram rannsóknir á slembnum auðguðum trjám og skölunarmarkgildum þeirra. Verkefnið er á sviði líkindafræði, fléttufræði og stærðfræðilegrar eðlisfræði.

Í þessu verkefni voru lykilforsendur mats á skjálftavárlíkindum endurskoðaðar vegna þess hvað fyrri forsendur í slíku mati og sérstaklega óvissa í lykilþáttum sem liggja til grundvallar matinu leiða af sér óáreiðanlegt og í sumum tilfellum rangt mat á skjálftavá.

Verkefnið fjallaði um segulspætur og sér í lagi háaflspúlsaðar segulspætur. Meðal annars skoðuðum við áhrif hremmandi segulsviðsins á jónunarhlutfall, ræktunarhraða og aflflutning til rafeinda í háaflspúlsuðum segulspætum. Þetta var skoðað bæði með tilraunum og líkanagerð.