Eyja káranna - Island of Winds - verkefni lokið
Fréttatilkynning verkefnisstjóra
Meiri fjölbreytni þarf innan tölvuleikjageirans, bæði í framleiðsluteymum og vörunni sjálfri. Íslenska tölvuleikjafyrirtækið Parity er að svara þeirri þörf með sinni fyrstu vöru, tölvuleiknum Island of Winds. Island of Winds verður gefinn út á PC og Playstation 5 á næsta ári.
Fyrirtækið Parity
ehf. hefur unnið að framleiðslu á tölvuleiknum Island of Winds síðustu tvö ár
með fjármögnun frá Tækniþróunarsjóð í gegnum styrkinn Vöxt. Island of Winds er
leikur sem nýtur áhrifa frá íslenskum þjóðsögum, náttúru og raunverulegum
atburðum eins og galdrafárinu og Stóra dóm. Island of Winds er margslunginn ævintýraheimur
með erfiða veðráttu þar sem spilarinn byrjar sína vegferð sem norn á 17.öld.
Brynhildur og hrúturinn Móri eru aðalhetjur leiksins sem verður fyrst gefin út
sem einspilunarleikur en síðar í formi fjölspilunar. Sagan í leiknum speglar
hugarheim, trú og aðgerðir Íslendinga fyrr á öldum út frá kvenlægu sjónarhorni
í gullfagri íslenskri náttúru.
Vörður verkefnisins
sem fjármagnað var með Vexti voru framleiðsla á teiknimyndum um íslenskar sögur
og hætti, almenn þróun leiksins, stækkun framleiðsluteymis og tónsmíði sem
miðast við hljóðfæri frá 17.öld. Sú viðurkenning og það fjárhagslega bakland
sem kemur með stuðningi frá Tækniþróunarsjóði hefur reynst Parity ómetanlegt
við uppbyggingu fyrirtækisins og þróun tölvuleiksins Island of Winds.
Sjá nánar á https://parity.is/
HEITI VERKEFNIS: Eyja káranna - Island of Winds
Verkefnisstjóri: María Guðmundsdóttir
Styrkþegi: Parity ehf.
Tegund styrks: Vöxtur
Fjöldi styrkára: 2
Fjárhæð styrks: 50.000.000 ISL kr. alls
VERKEFNIÐ VAR STYRKT AF TÆKNIÞRÓUNARSJÓÐI.
