Gæðavaktari fyrir þrívíddarprentiðnað - verkefni lokið
Fréttatilkynning verkefnisstjóra
Fyrirtækið Euler ehf. hefur frá árinu 2019, með stuðningi Tækniþrjóunarsjóðs, þróað rauntíma gæðavöktunarkerfi fyrir málm þrívíddarprentiðnað. Afurðin, sem nefnist ,,gæðavaktarinn‘‘ er vél- og hugbúnaðar gæðaeftirlitslausn fyrir iðnaðarþrívíddarprentara sem með aðstoð nýjustu framförum í myndgreiningu sinnir sjálfvirku gæðaeftirlit á meðan prentun stendur og stuðlar að frekari innleiðingu þrívíddarprentstækni í iðnaði.
Kerfið samanstendur af iðnaðarmyndavél, tölvuvélbúnað og nýjustu tækni á sviði tölvusjónar. Með því er stöðugt hægt að greina algeng frávik og mistök í prenti sem eiga sér oft stað og geta valdið gífurlegum töfum og kostnaði fyrir notendur. Á verkefnistímanum, hefur Euler gæðavaktarinn litið dagsins ljós og verið tekinn frá frumstigi og yfir í söluhæfa vöru. Þegar aðeins 8 mánuðir voru liðnir af verkefnistímanum var fyrsta útgáfa gæðavaktarans sett í notkun í hjá alþjóðlegu stórfyrirtæki og hefur hann verið stöðugri notkun síðan.
Samhliða því hefur verið unnið að
frekari nýsköpun og þróunarstarfi gæðavaktarans ásamt viðbótum og uppfærslum í
samstarfi við endanotanda. Vel hefur tekist að aðlaga lausnina að þörfum
endanotanda og því miklar líkur á að lausnin skili sér í verðmæti fyrir aðra notendur.
Í síðustu hönnunarítrun gæðavaktarans fékkst staðfest einstök mæliaðferð sem er
nú á fyrstu stigum einkaleyfisathugunar. Í lok verkefnisins fór afurðin
formlega á markað og hefur nú þegar fyrsta salan átt sér stað. Það er ljóst að
þrívíddarprentiðnaðurinn er kominn til að vera og upplifir hann mikinn vöxt sem
ekkert lát er á. Því hefur þörfin fyrir gæðaeftirliti aldrei verið meiri og
ætlar Euler ehf. sér að vera lykilþáttur í árángursríkri innleiðingu tækninnar
á heimsvísu.
HEITI VERKEFNIS: Gæðavaktari fyrir þrívíddarprentiðnað.
Verkefnisstjóri: Eyþór Rúnar Eiríksson
Styrkþegi: Euler ehf.
Tegund styrks: Sproti
Fjöldi styrkára: 2
Fjárhæð styrks: 20.000.000 ISL kr. alls
VERKEFNIÐ VAR STYRKT AF TÆKNIÞRÓUNARSJÓÐI.
