League Manager - verkefni lokið
Fréttatilkynning verkefnisstjóra
Sprotafyrirtækið Vettvangur íþrótta ehf. hlaut sprotastyrk fyrir verkefnið „League Manager“.
Meginþema íþróttavettvangsins, sem „League Manager“ verkefnið er hluti af, er að skapa íþróttavettvang sem:
- Nýtir allt það besta úr nútímatækni til að einfalda og auðvelda stjórnun og skipulagningu íþróttamóta.
- Nýtist öllum íþróttagreinum.
- Sparar vinnu og kostnað, einfaldar upplýsingaflæði og færir upplýsingagjöf yfir í rauntímaupplýsingar.
- Nýtir upplýsingatækni og snjalltæki samtímans fyrir alla þá sem eiga snertiflöt við íþróttamót.
- Eykur jákvæða upplifun þeirra sem tengjast íþróttamótum og íþróttakeppni.
- Gefur möguleika á jafnari viðureignum og keppni.
- Er samfélags- og upplýsingamiðill viðkomandi móts, keppni.
Afurð League Manager verkefnisins inniheldur meðal annars:
- Uppröðun viðureigna og samkeppnisgreina eftir keppnisformum.
- Skráning móts og keppnissvæða og vallarskipulag innan hvers keppnissvæðis.
- Niðurröðun viðureigna og íþróttagreina á velli.
- Dómaraskipulag, niðurröðun dómara á velli og skráning árangurs, stöðu og úrslita.
- Notkun á fleiri en einu tungumáli á einu og sama móti, hver notandi getur valið þau tungumál sem eru í boði.
- Samhæft fyrir snjalltæki og tölvur.
Á líftíma League Manager verkefnisins var raunnotkun í fjórum hópíþróttagreinum til þess að tryggja hæfni, gæði, áreiðanleika og afkastagetu afurðar verkefnisins. Endurgjöf fékkst frá notendum í öllum þessum íþróttagreinum.
Nánari upplýsingar finnast á eftirfarandi vefslóð: https://www.leaguemanager.io/home
HEITI VERKEFNIS: League Manager
Verkefnisstjóri: Oddur Sigurðarson
Styrkþegi: Vettvangur íþrótta ehf.
Tegund styrks:Sproti
Fjöldi styrkára: 2
Fjárhæð styrks: 20.000.000 ISL kr. alls
VERKEFNIÐ VAR STYRKT AF TÆKNIÞRÓUNARSJÓÐI.
