Vorúthlutun Tækniþróunarsjóðs 2023

2.6.2023

Í boði voru styrktarflokkarnir Fræ/Þróunarfræ, Sproti, Vöxtur/Sprettur og Markaðsþróun og Markaðssókn. Alls bárust 422 umsóknir og er árangurshlutfall styrktra verkefna sem hlutfall af innsendum umsóknum 20%. Haft verður samband við verkefnisstjóra þessara verkefna og þeir boðaðir til samningafundar.

Í þessari úthlutun er styrkveiting til nýrra verkefna 788 milljónir króna en þar sem verkefnin eru til allt að þriggja ára nemur heildarkostnaður vegna þeirra 1.440 milljónum króna.

Vorfundur sjóðsins verður haldinn fimmtudaginn 8. júní kl. 15:00.

Fundurinn verður haldinn í Sjálfstæðissalnum (Gamla Nasa) við Austurvöll. 

Öll velkomin en skrá sig þarf á viðburðinn.

Næsti umsóknafrestur um fyrirtækjastyrki verður 15. september 2023 og verður úthlutun úr þeim tilkynnt í desember sama ár.

Ráðgert er að umsóknum sem berast fyrir 24. ágúst í Fræ/þróunarfræ verði næst teknar saman og sendar í mat hjá fagráði.

Samantektarskýrsla Tækniþróunarsjóðs yfir vorúthlutun árið 2023 er á vef sjóðsins undir útgáfa og kynning.
Skoða samantektarskýrslu

Eftirfarandi verkefnum er boðið til samninga við sjóðinn að þessu sinni og er listinn birtur með fyrirvara um villur.

Hlutverk Tækniþróunarsjóðs er að styðja við rannsóknir og þróunarstarf sem miða að nýsköpun í íslensku atvinnulífi en hann er opinn fyrir nýsköpunarverkefnum úr öllum atvinnugreinum. Sjóðurinn er samkeppnissjóður sem býður upp á fjölmarga styrktarflokka fyrir verkefni á mismunandi stað í vaxtarferli fyrirtækja.