Employment and Social Innovation (EaSI)

Félags- og vinnumálaáætlun ESB

Fyrir hverja?

Sveitarfélög, hagaðila vinnumarkaðarins, stofnanir, fyrirtæki, frjáls félagasamtök, háskóla og ýmsa opinbera aðila.

Til hvers?

Employment and Social Innovation (EaSI) styrkir fjölbreytt verkefni á sviði vinnumarkaðsmála og félagslegrar nýsköpunar. 

Áætlunin fjármagnar stefnumótandi verkefni á fjórum lykilsviðum:

  • atvinnu og færni
  • vinnumarkaði og hreyfanleika vinnuafls
  • félagslegri vernd og virkri aðlögun
  • vinnuaðstæður

Sjóðurinn hefur 762 milljónir evra til ráðstöfunar til ársins 2027.

Umsóknarfrestir

Mismunandi er eftir áhersluatriðum áætlunarinnar hvenær árs opnað er fyrir nýjar umsóknir.

Framkvæmdastjórn Evrópusambandsins hefur birt upplýsingar um möguleika á árinu 2025.

Action grants to support EU networks active in the areas of social economy, social enterprise finance and microfinance - Umsóknafrestur er 19. júní 2025.

Hlekkur á kallið
Call document for the call "Action grants to support EU networks active in the areas of social economy, social enterprise finance and microfinance" (pdf)

Nánari upplýsingar um þetta kall er einnig á bls. 12 í 2025 Annual Work Plan of EaSI (einnig undir nytsöm skjöl og tenglar)

_____

NÝTT: Kall varðandi verkefni sem auka eigi á atvinnutækifæri fatlaðra (Disability Employment Package) - Umsóknarfrestur er 25. október 2025

Hægt er að sækja um styrki fyrir verkefni á eftirfarandi sviðum:

  • að styrkja atvinnu- og samþættingarþjónustu,
  • að efla ráðningarmöguleika með jákvæðum aðgerðum, og að berjast gegn fordómum,
  • að tryggja sanngjarna aðlögun, að tryggja heilsu og öryggi við vinnu í tilfelli langvinnra sjúkdóma, vinnuslysa eða fötlunar,
  • að styrkja úrræði sem vinna að því að koma fólki aftur út á vinnumarkaðinn
  • að auka möguleika á atvinnúrræðum á vernduðum vinnustöðum og leiðir að opnum vinnumarkaði.

Þau sem sækja um þurfa að minnsta kosti að vera þrjú saman í verkefnahóp frá að minnsta kosti tveimur aðildarlöndum. Krafa er um að einn opinber aðili sé í hópnum.

Til skiptanna eru 10 milljónir evra og er hægt að sækja um verkefnastyrk frá 500 þúsund til 1 milljón evra.

Rafrænn upplýsingafundur á vegum Evrópusambandsins verður þann 25. júní (Nánari tímasetning auglýst síðar)

Frétt um útboðið á síðu áætlunarinnar 

Nánar um kallið 

Smellið hér til að leita að samstarfsaðilum

Í desember verður síðan opnað fyrir umsóknir vegna fátæktar barna (child poverty). Um leið og þær upplýsingar liggja fyrir verða þær birtar. 

Hvert er markmiðið?

EaSI er undiráætlun Félagsmálasjóðs ESB (European Social Fund Plus ESF+) og styður við ýmis verkefni í vinnumarkaðsmálum og samfélagslegri nýsköpun. Tilgangurinn er að yfirfæra þekkingu á milli landa og stuðla að nýstárlegum lausnum. Einnig er hægt að sækja um örfjármagn til að koma á félagslegum fjárfestingarmarkaði.

EaSI fjármagnar einnig ýmis tölfræðileg verkefni, s.s. kannanir, rannsóknir, söfnun tölfræðilegra gagna, nýjungar í aðferðafræði, o.fl. til að bæta stefnumótun á sviði atvinnu- og félagslegra réttinda í löndum evrópska efnahagssvæðisins. Einnig er stutt við uppbyggingu á færni.

Til að takast á við ýmsar áskoranir á vinnumarkaði og þróa samþættan vinnumarkað innan Evrópu, fjármagnar EaSI samstarfsverkefni þvert á landamæri auk verkefna sem miða að hreyfanleika vinnuafls og ná til alls EES svæðisins með það fyrir augum að ráða í laus störf þar sem ójafnvægi hefur verið greint á vinnumarkaði.

Kynningarmyndband:

Hvað hefur áunnist frá árinu 2004?

Helstu áherslusvið EaSI áætlunarinnar árið 2024 eru:

  • að efla atvinnu og tryggja sanngjarnan hreyfanleika vinnuafls og öruggar og sanngjarnar vinnuaðstæður
  • að hlúa að menntun og færni
  • að stuðla að því að bæta félagslega vernd og inngildingu
  • árlegir rekstrarstyrkir til að styðja við samstarfsnet frjálsra félagasamtaka sem taka þátt í evrópsku samstarfi
  • árlegir rekstrarstyrkir til að styðja við samstarfsnet sem styðja við örfjármögnun

Hverjir geta sótt um?

Sveitarfélög, stofnanir, fyrirtæki (sérstaklega lítil og meðalstór), háskólar, samtök og ýmsir aðrir lögaðilar.

Skilyrði úthlutunar

Til þess að umsókn teljist styrkhæf verður hún að uppfylla þau skilyrði sem gerð eru í umsóknarferlinu og tengsl við markmið sjóðsins að vera augljós.

Hlutverk Rannís

Rannís er landstengiliður (NCP) fyrir áætlunina í samvinnu við félags- og vinnumarkaðsráðuneytið. Hlutverk Rannís er meðal annars að veita umsækjendum almennar upplýsingar um EaSI og aðstoða við ýmislegt sem lýtur að undirbúningi umsókna í áætlunina.

Kynningarfundur áætlunarinnar þann 7. janúar 2025

Nánari upplýsingar

Þetta vefsvæði byggir á Eplica