MEDIA: Úthlutanir ársins 2017
Árið 2017 var gjöfult ár fyrir íslensk kvikmyndafyrirtæki. Enn og aftur er nýtt met slegið í úthlutunum til íslenskra fyrirtækja í hljóðmyndræna geiranum. Úthlutað var ríflega 1,1 milljón evra eða um 134 milljónum íslenskra króna til íslenskra umsækjenda. Í fyrsta skipti fengu tvær íslenskar spennuþáttaraðir styrki samtímis, sem er frábær árangur og ber vitni um færni okkar fagfólks.
Send var 41 umsókn frá Íslandi í mismunandi sjóði MEDIA og fengu 19 þeirra styrki, þar með er hlutfall styrktra verkefna af umsóknum ríflega 46% sem er mjög hátt fyrir MEDIA sjóðina. Enn á eftir að fá nákvæmlega í evrum frá tveimur sjóðum, þær upphæðir munu hækka heildartöluna.
Styrkir til framleiðenda
Styrkir til framleiðenda til framleiðslu á sjónvarpsefni:
Fjórar íslenskar umsóknir voru sendar inn á tveimur skilafrestum 2017 og tvær þeirra fengu veglegar úthlutanir.
- RVK Studios ehf. fékk úthlutað 500.000 evrum fyrir framleiðslu sjónvarpsþáttaraðarinnar Ófærðar.
- Saga Film ehf. fékk úthlutað 318.139 evrum fyrir sjónvarpsþáttaröðina Flateyjargátuna.
Aðeins var úthlutað 24 styrkjum á þessum skilafresti og er þetta í fyrsta sinn að tvær íslenskar þáttaraðir fá svo stórar úthlutanir, við megum una glöð við okkar hlut.
Styrkir til íslenskra fyrirtækja til undirbúnings kvikmynda:
Tveir skilafrestir voru á árinu, voru 11 umsóknir sendar inn og fengu fjórar úthlutun.
- Tvíeyki ehf. fékk úthlutað 50.000 evrum fyrir kvikmyndina Unu.
- Pegasus ehf. fékk úthlutað 50.000 evrum fyrir sjónvarpsþáttaröðina Hjarnið.
- Netop ehf. fékk úthlutað 50.000 evrum fyrir kvikmyndina The County.
- Join Motion Pictures ehf. fékk úthlutað 50.000 evrum fyrir kvikmyndina Hvítan, hvítan dag.
Lán og styrkir til dreifingar á evrópskum kvikmyndum
Valkerfið
Tveir skilafrestir voru á árinu og voru 22 umsóknir sendar inn og fengu 10 þeirra úthlutun.
- Bíó Paradís fékk dreifingarstyrk vegna níu kvikmynda eða 3.000 evrur fyrir hverja þeirra. Kvikmyndirnar eru: La Sage Femme, Frantz, Hymyileva Mies, Slava, Toivon Tuolla Puolen, Testrol Es Lelekrol, Aus Dem Nichts, The Square og 120 Battement par minute.
- Myndform ehf. fékk 3.000 evrur fyrir dreifingu á einni kvikmynd: Thelmu.
Enn á eftir að fá niðurstöður úr sjóði fyrir sjálfvirka dreifingu og frá samtökum kvikmyndahúsa.
Styrkir til kvikmyndahátíða
Á fyrsta skilafresti umsókna voru tvær íslenskar umsóknir sendar inn og fékk önnur þeirra úthlutun. Fyrirtækið Alþjóðleg kvikmyndahátíð í Reykjavík fékk úthlutað 63.000 evrum fyrir RIFF 2017.
