Sagafilm fær 210 þúsund evru styrk frá Creative Europe/MEDIA
Fyrir stuttu voru tilkynntar niðurstöður vegna umsókna um undirbúning kvikmynda hjá Creative Europe MEDIA, menningar- og kvikmyndaáætlun ESB.
Meðal umsækjenda sem fengu styrk að þessu sinni var íslenska framleiðslufyrirtækið Sagafilm. Styrkurinn var að upphæð 210 þúsund evrur og skiptist á sex verkefni: Undirbúningsstyrkir fyrir sjónvarpsþáttaraðirnar Systrabönd, Víghóla og Líflínuna; heimildarmyndina Battle for Iceland; og Sýndarveruleikaverkefnið The Story of Forces. Einnig framleiðslustyrkur fyrir stuttmyndina Frú Regína sem Garpur I. Elísabetarson leikstýrir.
Við óskum Sagafilm til hamingju með aldeilis framúrskarandi árangur.
