Umsókn og mat umsókna

Umsókn er rafræn í gegnum umsóknarkerfi Rannís.

Umsóknarfrestur vegna umsókna um starfslaun listamanna, sem úthlutað verður í samræmi við ákvæði laga nr. 57/2009, er í byrjun október ár hvert (1. október, klukkan 15:00 árið 2025).
Að fylla út umsókn - leiðbeiningarmyndband

Listamenn eru hvattir til að skila umsóknum tímanlega.

Nokkur atriði sem hafa ber í huga

• Umsóknir eru einstaklingsumsóknir og nota þarf rafræn skilríki við gerð þeirra.
• Sviðslistahópar sækja um í launasjóð sviðslistafólks í gegnum umsókn Sviðslistasjóðs .
• Skrifa má umsókn á ensku.
• Ein umsókn er send í launasjóð. Ætli listamaður að sækja um úr fleiri en einum launasjóði, þarf að senda eina umsókn fyrir hvern sjóð.
• Hafi umsækjandi hlotið starfslaun áður, verður áfanga- eða lokaskýrslu að hafa verið skilað vegna fyrri starfslauna. Sjá nánar um skýrsluskil.

Úthlutunarnefndir (tilnefndar af fagfélögum listafólks) ákveða úthlutun.
Við mat á umsóknum er notaður matskvarði umsókna.
Í svarbréfum eru notaðir staðlaðir ákvörðunartextar .

Launagreiðslur ef úthlutun fæst

Í umsókn er beðið um bankaupplýsingar og áætlaðan upphafsmánuð vinnu. Fáist úthlutun hefjast launagreiðslur í áætluðum upphafsmánuði nema óskað sé eftir öðru. Hægt er að senda inn beiðni um að fresta töku launa en það þarf að gerast fljótlega eftir að úthlutun er tilkynnt.