Umsókn í sviðslistasjóð 2024 - umsóknarfrestur 2. október 2023, kl 15:00
Umsóknareyðublað sjóðsins er á rafrænu formi. Til þess að nálgast umsóknareyðublaðið þarf að tengjast umsóknarkerfi Rannís.
Á síðu 4.3 í umsókn Sviðslistasjóð er hægt að sækja um í launasjóð sviðslistafólks. Umsótt listamannalaun skerða ekki umsótta upphæð úr sviðslistasjóði (nýtt) en ef þeim er úthlutað lækkar möguleg hámarksúthlutun úr sviðslistasjóði sem þeim nemur.
Lög um listamannalaun (57/2009) og reglugerð um listamannalaun (834/2009) gilda um umsóknir um listamannalaun og ferli þeirra. Sjá einnig áherslur stjórnar listamannalauna .
Sviðslistafólk sem ætlar eingöngu að sækja um listamannalaun (ekki verkefnastyrk úr Sviðslistasjóði) gerir það í gegnum umsókn listamannalauna .Ferilskrár þátttakenda eiga að fylgja umsókn, teknar saman í eitt PDF skjal eða vísa til þeirra í tenglum. Önnur gögn til stuðnings umsókn gætu verið staðfestingar frá samstarfsaðilum, handrit og annað slíkt.
Ekki er tekið við fylgigögnum eftir umsóknarfrest, hvort sem þau eru ný eða leiðrétt.
