Tónlistarsjóður

tonlistarsjodur(hja)rannis.is

Rannís hefur verið falin umsýsla á seinni úthlutun Tónlistarsjóðs árið 2023.


Umsóknarfrestur: 9. maí 2023, kl 15:00
Gert er ráð fyrir að haustið 2023 verði opnað fyrir umsóknir í nýjan Tónlistarsjóð fyrir árið 2024 og verður hann í umsýslu nýrrar Tónlistarmiðstöðvar samkvæmt frumvarpi til laga um tónlist.

Sjá feril málsins á Alþingi
Sjá kynningu menningarráðherra á frumvarpinu í fyrstu umræðu.

EN 


Hvert er markmiðið?

Hlutverk Tónlistarsjóðs er að efla íslenska tónlist og stuðla að kynningu á íslensku tónlistarfólki og tónsköpun þess skv. lögum nr. 76/2004 og reglum um Tónlistarsjóðs nr. 125/2005 .

Hverjir geta sótt um?

Aðstandendur tónlistarverkefna geta sótt um styrk.

Hvað er styrkt?

Veittir eru styrkir til almennrar tónlistarstarfsemi og til kynningar og markaðssetningar á tónlist og tónlistarfólki. Styrkir úr Tónlistarsjóði skulu veittir til ákveðinna verkefna og að jafnaði ekki lengur en til eins árs í senn. Að jafnaði er hvorki gert ráð fyrir styrkveitingum til rekstrar og umsýslu samtaka, fyrirtækja og stofnana, sem hljóta regluleg rekstrarframlög, né til verkefna eða viðburða sem þegar hafa átt sér stað.

Skilyrði úthlutunar

Umsóknum skal skilað í gegnum rafrænt umsóknarkerfi Rannís (sjá leiðbeiningar) fyrir lok umsóknarfrests. Styrkir úr Tónlistarsjóði skulu veittir til ákveðinna verkefna og að jafnaði ekki lengur en til eins árs í senn.

Hafi umsækjandi þegið styrk úr Tónlistarsjóði þarf að liggja fyrir greinargerð um framkvæmd fyrra verkefnis til að ný umsókn komi til greina, það sama á við um verk í vinnslu þá skal umsækjandi skila inn greinargerð um stöðu verksins. 

Hlutverk Rannís

Hlutverk Rannsóknarmiðstöðvar Íslands, Rannís, er að sjá um umsýslu Tónlistarsjóðs fyrir hönd menningar- og viðskiptaráðuneytis.

Nánari upplýsingar

  • Ragnhildur Zoëga, s. 515 5838

  • Óskar Eggert Óskarsson, s. 515 5839

  • Tekið er á móti fyrirspurnum á tonlistarsjodur(hja)rannis.is








Þetta vefsvæði byggir á Eplica