Opnað hefur verið fyrir umsóknir um styrki í Nordplus 2026
Opnað hefur verið fyrir umsóknir um styrki í Nordplus, menntaáætlun Norrænu ráðherranefndarinnar 2023–2027. Áhersluatriði áætlunarinnar fyrir árið 2026 er að efla hæfni og þekkingu til að styrkja samkeppnishæfni Norðurlandanna og Eystrasaltsríkjanna.
Umsóknarfrestur er til 2. febrúar 2026, kl. 23:59 CET.
Um Nordplus
Nordplus er stærsta menntaáætlun Norrænu ráðherranefndarinnar og hvetur skóla, stofnanir og samtök á sviði menntunar og þjálfunar til að sækja um styrki fyrir alþjóðlegt samstarf, starfsmanna- og nemendaskipti, sameiginleg verkefni og samstarfsnet milli menntastofnana í Danmörku, Eistlandi, Færeyjum, Finnlandi, Grænlandi, Íslandi, Lettlandi, Litháen, Noregi, Svíþjóð og á Álandseyjum.
Heildarfjárhæð til úthlutunar árið 2026 er um 10,7 milljónir evra.
Nánari upplýsingar, leiðbeiningar og samstarfsaðila er að finna á heimasíðu Nordplus: www.nordplusonline.org
Áhersla Nordplus 2026
Árið 2025 verður lögð áhersla á þemað „Aukin þekking og færni til að styrkja samkeppnishæfni Norðurlanda og Eystrasaltsríkjanna.“ Það er þó ekki skilyrði fyrir styrk að umsóknin tengist beint árlegu áhersluatriði – allar umsóknir eru metnar út frá gæðum og markmiðum verkefnisins.
Nordplus áætlanir 2023–2027
Nordplus inniheldur fimm undiráætlanir sem ná yfir öll stig menntunar:
-
Nordplus Junior: Styrkir fyrir grunn- og framhaldsskóla og leikskóla
-
Nordplus Higher Education: Styrkir fyrir háskólastig
-
Nordplus Adult: Styrkir fyrir fullorðinsfræðslu
-
Nordplus Horizontal: Þverfagleg verkefni og samstarfsnet
-
Nordplus Nordic Languages: Verkefni sem efla norræn tungumál
Nánari upplýsingar fást með því að hafa samband við nordplus@rannis.is
