Úthlutun Nordplus 2022
Úthlutað hefur verið úr Nordplus áætluninni tæplega 9,9 milljónum evra til 305 verkefna og samstarfsneta sem hefjast árið 2022. Alls barst 371 umsókn um styrk upp á samtals 16,2 milljónir evra.
Rannís hefur umsjón með Nordplus á Íslandi sem skiptist í fimm undiráætlanir og er einnig umsýsluaðili fyrir tungumálahlutann.
Umsóknum fjölgaði frá því í fyrra, frá 331 umsókn í 371 umsókn, eða um 9%. Íslenskum stofnunum gekk almennt vel, en Ísland átti um 8% umsóknanna.
Nordplus er menntaáætlun Norrænu ráðherranefndarinnar og veitir styrki til samstarfs innan Norðurlandanna og Eystrasaltslandanna á öllum stigum menntunar til að efla tengslanet, verkefnasamstarf, auka hreyfanleika nemenda og kennara á Norðurlöndunum og í Eystrasaltsríkjunum. Styrkir eru einnig veittir þvert á skólastig og fyrir verkefni sem styrkja stöðu og miðla tungumálum Norðurlandanna.
Nánari upplýsingar um úthlutunina er að finna á heimasíðu Nordplus, www.nordplusonline.org
