Úthlutun Nordplus 2023
Úthlutað hefur verið úr Nordplus áætluninni rúmlega 12,7 milljónum evra til 340 verkefna og samstarfsneta sem hefjast árið 2023. Alls bárust 499 umsóknir um styrk upp á samtals rúmlega 27,1 miljón evra.
Rannís hefur umsjón með Nordplus á Íslandi sem skiptist í fimm undiráætlanir og er einnig umsýsluaðili fyrir tungumálahlutann.
Umsóknum fjölgaði frá því í fyrra, frá 371 umsókn í 499 umsókn, eða um 35%. Íslenskum stofnunum gekk almennt vel, en Ísland átti um 8% umsóknanna.
Nordplus er menntaáætlun Norrænu ráðherranefndarinnar og veitir styrki til samstarfs innan Norðurlandanna og Eystrasaltslandanna á öllum stigum menntunar til að efla tengslanet, verkefnasamstarf, auka hreyfanleika nemenda og kennara á Norðurlöndunum og í Eystrasaltsríkjunum. Styrkir eru einnig veittir þvert á skólastig og fyrir verkefni sem styrkja stöðu og miðla tungumálum Norðurlandanna.
Nánari upplýsingar um úthlutunina er að finna á heimasíðu Nordplus, www.nordplusonline.org
