Upplýsingadagar og tengslaráðstefna Horizon Europe
Upplýsingadagar og tengslaráðstefna verður haldin á vegum framkvæmdastjórnar ESB 26.-28. september nk. í tengslum við vinnuáætlun Horizon Europe á sviði matvælaframleiðslu, lífhagkerfis, náttúruauðlinda, landbúnaðar og umhverfismála.
Á upplýsingadögunum 27. og 28. september verða kynnt viðfangsefni vinnuáætlunar ársins 2024. Gert er ráð fyrir að opnað verði fyrir umsóknir 17. október 2023 með skilafresti í lok febrúar 2024.
Væntanlegum umsækjendum gefst þannig tækifæri til að læra meira um fjármögnunarmöguleika samkvæmt nýju vinnuáætluninni en hún inniheldur 75 ný viðfangsefni (topics).
Viðburðurinn verður bæði haldinn á staðnum (Brussel) og sendur út á netinu. Lokað verður fyrir skráningu á viðburðinn í Brussel þann 18. september næstkomandi.
Dagskrá upplýsingadags og skráning
Tengslaráðstefna verður haldin 26. september 2023 í Brussel, en á þann viðburð er fullt.
