Upplýsingadagar og tengslaráðstefna Horizon Europe á sviði stafrænnar tækni, iðnaðar og geims (Digital, Industry & Space)
Upplýsingadagar og tengslaráðstefna Framkvæmdastjórnar ESB verður haldin 8. til 16. desember nk. í tengslum við vinnuáætlun klasa 4. Um er að ræða viðburð á netinu.
Upplýsingadagar:
Á upplýsingadögunum 12. -14. desember verða kynnt rannsóknar- og nýsköpunarviðfangsefni næstu vinnuáætlunar (e. Work Programme) fyrir árin 2023-2024 í klasa 4 í Horizon Europe.Væntanlegum umsækjendum gefst þannig tækifæri til að læra meira um fjármögnunarmöguleika samkvæmt nýju vinnuáætluninni.
Tengslaráðstefna:
Við viljum vekja sérstaka athygli á tengslaráðstefnu sem haldin verður á eftirfarandi dögum:
- Geimur: 8. desember 2022 - Skráning á tengslaráðstefnu, geimur
- Iðnaður: 14. desember 2022 - Skráning á tengslaráðstefnu, iðnaður
- Stafræn tækni: 15.-16. desember 2022 - Skráning á tengslaráðstefnu, stafræn tækni
Á tengslaráðstefnunni gefast tækifæri á að koma þér og þinni stofnun/fyrirtæki á framfæri.
Starfsmenn Rannís geta veitt aðstoð við textagerð en mikilvægt er að hafa hnitmiðaðan texta til að einfalda þátttakendum leit að réttum samstarfsaðilum á tengslaráðstefnunni. Sýnileikinn eykur líkurnar á að haft verið samband við viðkomandi með boð um að vera þátttakendur í stórri Evrópusambandsumsókn.
Ef einhverjar spurningar vakna eða þú vilt vita meira, þá getur þú sent línu eða slegið á þráðinn katrin.jonsdottir@rannis.is eða í síma 515 5852
Klasi 4 - stafræn tækni, iðnaður og geimur miðar að því að Evrópa móti samkeppnishæfa og áreiðanlega tækni fyrir evrópskan iðnað með alþjóðlegri forystu á lykilsviðum. Stuðli jafnframt að framleiðslu og nýtingu sem virðir þolmörk jarðarinnar og hámarki ávinninginn fyrir alla hluta evrópsks samfélag í félagslegu, efnahagslegu og svæðisbundnu samhengi.
Klasi 4 hefur eftirfarandi áherslusvið:
-
Umhverfisvænar og stafrænar framleiðslulausnir
-
Sjálfvirkni í virðiskeðju framleiðslu hráefnis til vöru
-
Gagna og skammtölvu tækni
-
Stafræn tækni sem eykur samkeppnishæfni og er í senn græn
-
Opnar og sjálfvirkar geimtæknilausnir sem gagnast innviðum, þjónustum, forritun og gagnamálum
-
Siðferðisleg þróun á stafrænni tækni með notendur í fyrirrúmi
