Íslenskukennsla fyrir útlendinga

islenskukennsla.utlendinga(hja)rannis.is

• 5.1.2024 - 15:00, Umsóknarfrestur

Hvert er markmiðið?

Markmiðið með styrkjunum er að gefa öllum sem búsettir eru hér á landi og skráðir eru með lögheimili í Þjóðskrá, tækifæri á að öðlast  nauðsynlega færni í íslensku til að þeir geti orðið virkir samfélagsþegnar á Íslandi. 

Hverjir geta sótt um?

Í 3. gr. Reglum um úthlutun styrkja til íslenskukennslu fyrir útlendinga segir:
Rétt til að sækja um styrk eiga fræðsluaðilar sem öðlast hafa viðurkenningu mennta- og barnamálaráðuneytisins á grundvelli 7. gr. laga um framhaldsfræðslu og fyrirtæki eða stofnanir sem bjóða starfsmönnum sínum upp á skipulagða kennslu í íslensku og eru á fyrirtækjaskrá. Fyrirtæki eða stofnanir, sem ekki eru fræðsluaðilar, þurfa að hafa samning við viðurkenndan framhaldsfræðsluaðila er annast kennsluna. Í samningi skal koma fram hverjir samningsaðilar eru, lýsing á inntaki þjónustunnar sem veitt er og fjárhæð sem greidd er fyrir hana. Afrit af samningi skal fylgja með umsókn fyrirtækis.

Hvað er styrkt?

Styrkurinn gildir aðeins fyrir nám í íslensku sem ekki er hluti af almennu námi á grunn- eða framhaldsskólastigi.

Skilyrði úthlutunar

Umsækjandi skal senda inn umsókn í rafrænu umsóknakerfi Rannís. Í umsókn skal tilgreina:

• Lýsingu á námskeiði
• Tegund námskeiðs
• Fjölda námskeiða
• Fjölda námskeiðsstunda. Samkvæmt námskrám ( grunnnám og framhald ) er hver áfangi/námskeið 60 kennslustundir. Ein kennslustund er lágmark 40 mínútur.
• Áætlaðan heildarfjölda þátttakenda (10 að lágmarki og 20 að hámarki)
• Tengingu við Evrópska tungumálarammann,
• Námskeiðskostnað (sjá leiðbeiningar og hjálparskjal )
• Fjármögnun

Fyrir lokauppgjör skal umsækjandi skila upplýsingum um framkvæmd námskeiðs til Rannís samkvæmt þeim reglum sem gerðar eru um gagnaskil.

Hlutverk Rannís

Mennta- og barnamálaráðuneyti úthlutar styrkjunum. Rannís annast umsýslu og afgreiðslu styrkumsókna fyrir hönd ráðuneytisins.