Atvinnuleikhópar

Fyrir hverja?

Atvinnuleikhópa.

Til hvers?

Veittir eru styrkir til einstakra verkefna eða gerðir starfssamningar til lengri tíma.

Umsóknarfrestur

Umsóknarfrestur er einu sinni á ári.

Næsti umsóknarfrestur er til kl. 16:00, 2. október 2017.

Umsóknum skal skilað rafrænt. Einungis er tekið við rafrænum fylgigögnum með umsókn.

EN

Hvert er markmiðið?

Alþingi veitir árlega fé í fjárlögum til stuðnings leiklistarstarfsemi með það að markmiði að efla íslenska leiklist og aðrar sviðslistir og búa þeim hagstæð skilyrði. Slíkur fjárstuðningur getur auk almennrar leikstarfsemi tekið til barnaleikhúsa, brúðuleikhúsa, óperustarfsemi og listdans.

Hverjir geta sótt um?

Atvinnuleikhópar.

Hvað er styrkt?

Veittir eru styrkir til einstakra verkefna atvinnuleikhópa eða gerðir starfssamningar til lengri tíma. 

Að jafnaði er ekki gert ráð fyrir styrkveitingum til rekstrar og umsýslu samtaka, fyrirtækja og stofnana, sem hljóta regluleg rekstrarframlög, né til verkefna sem er lokið. 

Umsókn í atvinnuleikhópa getur einnig gilt sem umsókn til listamannalauna sé merkt við þar til gerðan reit í umsóknarformi.

Leiklistarráð gerir tillögu til mennta- og menningarmálaráðuneytisins um úthlutun fjár sem veitt er í fjárlögum til stuðnings atvinnuleikhópum, sbr. leiklistarlög nr. 138/1998. 

Greinargerð

Hafi umsækjandi áður fengið styrk af fjárveitingu til starfsemi atvinnuleikhópa skal það vera ófrávíkjanlegt skilyrði fyrir afgreiðslu nýrrar styrkumsóknar að fyrir liggi greinargerð um framkvæmd fyrra verkefnis og ráðstöfun styrkfjárins. Leiklistarráð getur kallað eftir frekari upplýsingum vegna umsóknar ef nauðsyn krefur.

Nánari upplýsingar veitir Ragnhildur Zoëga á skrifstofu Rannís.








Þetta vefsvæði byggir á Eplica