Fyrir hverja?
Atvinnusviðslistahópa.
Til hvers?
Veittir eru styrkir til einstakra verkefna.
Úthlutun.
Að jafnaði liggur úthlutun fyrir í janúar ár hvert.
Sértakir styrkir til óperuverkefna (45 milljónir) 2024-2025
Umsóknarfrestur var 23. febrúar 2023, kl 15:00
Umsóknarfrestur í Sviðslistasjóð vegna verkefna 2024-2025 var 2. október 2023 kl: 15:00
Alþingi veitir árlega fé í fjárlögum til stuðnings sviðslistasjóði með það að markmiði að efla sviðslistir og búa þeim hagstæð skilyrði.
Veittir eru styrkir til einstakra verkefna atvinnusviðslistahópa. Umsókn í sviðslistasjóð getur einnig gilt sem umsókn til listamannalauna ef tilgreint í umsóknarformi. Sviðslistaráð úthlutar styrkjum til stuðnings atvinnusviðslistahópum, sbr. lög um sviðslistir 2019 nr. 165 .
Hafi umsækjandi áður fengið styrk af fjárveitingu til starfsemi atvinnuleikhópa skal það vera ófrávíkjanlegt skilyrði fyrir afgreiðslu nýrrar styrkumsóknar að fyrir liggi skýrsla um framkvæmd fyrra verkefnis og ráðstöfun styrkfjárins. Sviðslistaráð getur kallað eftir frekari upplýsingum vegna umsóknar ef nauðsyn krefur.
Hlutverk Rannsóknarmiðstöðvar Íslands, Rannís, er að sjá um umsýslu sviðlistasjóðs fyrir hönd mennta- og menningarmálaráðuneytis.
Óskar Eggert Óskarsson, s. 515 5839
Ragnhildur Zoëga, s. 515 5838
Tekið er á móti fyrirspurnum á svidslistasjodur(hja)rannis.is
