Tónlistarráð

Mennta- og menningamálaráðherra skipar sjóðnum þriggja manna tónlistarráð til þriggja ára í senn. Einn stjórnarmaður er tilnefndur af Samtóni og tveir skipaðir án tilnefningar. Tónlistarráð gerir tillögu til mennta- og menningarmálaráðherra um úthlutun, sem úthlutar styrkjum úr Tónlistarsjóði. Fjárveiting sjóðsins er ákveðin í fjárlögum hvers árs.

Tónlistarráð auglýsir eftir umsóknum tvisvar á ári, á vorin og haustin. Umsóknarfrestur vegna verkefna fyrri hluta árs er í nóvember árið á undan og seinni umsóknarfrestur vegna verkefna seinni hluta árs er í maí.

Styrkir úr Tónlistarsjóði skulu veittir til ákveðinna verkefna og að jafnaði ekki lengur en til eins árs í senn. Að jafnaði er hvorki gert ráð fyrir styrkveitingum til rekstrar og umsýslu samtaka, fyrirtækja og stofnana, sem hljóta regluleg rekstrarframlög, né til verkefna eða viðburða sem þegar hafa átt sér stað.

Tónlistarráð er þannig skipað:

Árni Heimir Ingólfsson formaður skipaður án tilnefningar,

Ragnhildur Gísladóttir skipuð án tilnefningar,

Samúel Jón Samúelsson tilnefndur af Samtóni.

Varamenn eru:

Arndís Björk Ásgeirsdóttir skipuð án tilnefningar,

Sigtryggur Baldursson skipaður án tilnefningar,

Sóley Stefánsdóttir tilnefnd af Samtóni.

Skipunartímabil er frá 11. desember 2016 til 10. desember 2019.








Þetta vefsvæði byggir á Eplica