Fræðimenn og sviði hug- og félagsvísinda við íslenska háskóla og rannsóknastofnanir.
CHANSE er áætlun helguð samvinnu hug- og félagsvísinda á vegum Horizon Europe, með áherslu á rannsóknir á samfélagsbreytingum og menningarþróun á stafrænum tímum.
Umsóknarfrestur grunnumsókna var 7. maí 2021. Skilafrestur fullburða umsókna (samkvæmt boði) var 7. desember 2021.
Ekki liggur fyrir um hvort auglýst verði aftur eftir umsóknum.
Stofnað er til CHANSE í samstarfi HERA og Norface , rannsóknaneta Horizon Europe . CHANSE styður nýstárlegar rannsóknir á virkni, merkingu og afleiðingum umbreytinga og nýjunga í okkar stafræna samtíma. Markmiðið er að öðlast betri skilning á áhrifum stafrænna nýjunga á félagslegar og menningarlegar breytingar, en jafnframt hvernig samfélag og menning hafa áhrif á stafræna þróun. Þótt samanburður eða rannsóknir á öðrum svæðum séu ekki útilokuð, verða verkefni að sýna fram á sterka, evrópska vídd, þ.e. skoða þær umbreytingar sem eiga sér stað eða hafa áhrif á Evrópu, í heild eða á einstök svæði.
Yfirþema CHANSE er eftirfarandi: Umbreytingar: Þróun samfélags og menningar á stafrænum tímum (Transformations: Social and Cultural Dynamics in the Digital Age). Yfirþemað skiptist tvær megin leiðir:
Fræðimenn og sviði hug- og félagsvísinda við íslenska háskóla og rannsóknastofnanir. Umsækjendur verða að hafa lokið rannsóknarnámi við alþjóðlega viðurkennda háskóla og hafa reynslu af rannsóknum. Ath. að umsóknarfrestur er liðinn og ekki liggur fyrir hvort auglýst verður aftur eftir umsóknum.
Verkefni skulu samanstanda af a.m.k. fjórum aðalrannsakendum frá fjórum mismunandi löndum. Verkefni geta varað í 24-36 mánuði. Þótt ekki sé þak á heildarstyrknum er mælt með 1,5 milljónum evra fyrir eitt CHANSE verkefni. Verkefni hefjast í fyrsta lagi í september/október 2022.
Þátttökuskilyrði eru ákvörðuð af hverju landi fyrir sig. Fyrir íslenska þátttakendur gilda þau skilyrði sem eiga við um Rannsóknasjóð. Styrkur til íslenskra þátttakenda samsvarar verkefnisstyrk í Rannsóknasjóði, þ.e. 45 milljónir kr. fyrir 36 mánuði.
Auk Íslands taka eftirfarandi lönd þátt: Austurríki, Belgía, Búlgaría, Króatía, Tékkland, Danmörk, Eistland, Finnland, Þýskaland, Ungverjaland, Lettland, Litháen, Lúxemborg, Noregur, Pólland, Rúmenía, Slóvakía, Slóvenía, Spánn, Svíþjóð, Sviss, og Bretland.
CHANSE er stýrt af National Science Centre í Póllandi, en landskrifstofa á Íslandi er Rannsóknamiðstöð Íslands, Rannís .
Rannís er umsýsluaðili CHANSE á Íslandi. Í því felst umsjón með kynningu auk þess að veita umsækjendum upplýsingar og aðstoð.
