Kynningarfundir á vegum IASC og Rannís

Á fundunum verða kynntir verkefnastyrkir á vegum alþjóðlegu norðurskautsvísindanefndarinnar (IASC) árið 2023 og hvernig þú/þín stofnun getið tekið þátt í að móta áherslur norðurslóðarannsókna næsta áratuginn í aðdraganda fjórðu alþjóðlegu ráðstefnunnar um skipulagningu norðurslóðarannsókna (ICARP IV).

Á fundunum munu Gerlis Fugmann, framkvæmdastjóri skrifstofu IASC, og Egill Þór Níelsson, IASC fulltrúi Íslands og sérfræðingur á rannsókna- og nýsköpunarsviði Rannís, kynna:

• Verkefnastyrki IASC 2023 fyrir norðurslóðaverkefni – umsóknarferlið og -fresti,
• Vísindaviku norðurslóða 2023
• ICARP IV ferlið – tækifæri allra hagaðila að móta rannsóknaáherslur
• Norðurslóðarannsóknir á Íslandi og alþjóðlegt samstarf

Fundirnir verða tveir, annars vegar á Akureyri og í Reykjavík.

• Akureyri, 8 nóvember, 13:00-14:30, Borgir (við inngang)
• Reykjavík, 14 nóvember, 10:30-12:00, Rannís, Borgartúni 30
• Fundirnir verða einnig aðgengilegir á Zoom

Fundirnir fara fram á ensku

Öll velkomin

Kaffiveitingar í boði.