Úthlutun styrkja í flokki fjölþjóðlegra samstarfsverkefna Erasmus+ árið 2016
Rannís hefur úthlutað rúmlega 2,1 m.evra, eða um 283 m.kr., til 14 fjölþjóðlegra samstarfsverkefna úr menntahluta Erasmus+ mennta- og æskulýðsáætlunar ESB. Hæsta styrkinn hlaut Landbúnaðarháskóli Íslands, rúmar 38 m.kr. eða um 290 þús. evrur fyrir verkefnið „Safe Climbing“.
-
Forsvarsmenn verkefnisins Safe Climbing við undirritun samnings. Björn Þorsteinsson, rektor Landbúnaðarháskóla Íslands, Björgvin Eggertsson verkefnisstjóri, Ágústa Erlingsdóttir verkefnisstjóri, Ágúst Hjörtur Ingþórsson, forstöðumaður Landskrifstofu Erasmus+ á Íslandi, Guðríður Helgadóttir forstöðumaður og Hannes Snorrason frá Vinnueftirliti ríkisins.
Rannís hefur úthlutað rúmlega 2,1 m.evra, eða um 283 m.kr., til 14 fjölþjóðlegra samstarfsverkefna úr menntahluta Erasmus+ mennta- og æskulýðsáætlunar ESB. Hæsta styrkinn hlaut Landbúnaðarháskóli Íslands, rúmar 38 m.kr. eða um 290 þús. evrur fyrir verkefnið „Safe Climbing“. Verkefnið er á sviði skógræktar og fjarkennslu. Þróa á námsefni um umhirðu skóga með áherslu á öryggisatriði og tækni við trjáfellingar. Markhópurinn eru nemendur og fólk sem starfar í greininni. Sérstök áhersla er lögð á aðgengilegt rafrænt námsefni sem að miklu leyti verður byggt upp á sjónrænu efni. Stefnt er að því að nemendur og kennarar fái evrópska vottun að námi loknu.
Styrkt voru verkefni á öllum skólastigum. Viðfangsefnin eru fjölbreytt og má meðal annars nefna mannúð og umburðarlyndi í fjölþjóðlegu umhverfi, geðheilbrigði, alþjóðlegt listnám, ferðaþjónustu, heilsueflingu barna, frumkvöðlanám og aukin lífsgæði. Að verkefnunum standa 14 fræðslu- og menntastofnanir og fyrirtæki í 28 Evrópulöndum. Alls bárust 24 umsóknir um styrk samtals að upphæð 575 m.kr. eða 4,3 m.evra.
Listi yfir styrkþega og verkefni*
Fullorðinsfræðsla
Fulltrúar verkefna í fullorðinsfræðslu ásamt verkefnisstjóra fullorðinsfræðsluhlutans, Margréti K. Sverrisdóttir (til vinstri) og Ágústi Hirti Ingþórssyni, forstöðumanni Landskrifstofu Erasmus + á Íslandi
Styrkþegi | Heiti umsóknar | Upphæð í evrum |
MÍMIR Símenntun ehf. | Intrercultural Skills and Learning Activities for New Development | 138.420 |
Inter Cultural Ísland | I am not a racist, but... Anti-discrimination training for unmotivated and resistant adults | 126.090 |
EVRIS Foundation ses. | Catch the BALL - Create a Dynamic Third Age | 177.537 |
Samtals | 442.047 |
Háskólastig
Fulltrúar verkefna í háskólahlutanum, ásamt verkefnisstjóra háskólahluta Erasmus+, Óskari E. Óskarssyni, til vinstri, og Ágústi Hirti Ingþórssyni, forstöðumanni Landskrifstofu Erasmus + á Íslandi.
Styrkþegi | Heiti umsóknar | Upphæð í evrum |
Listaháskóli Íslands | NAIP: Training Artists Without Borders | 270.090 |
Háskóli Íslands | Co-Produced Mental Health Nursing Education | 203.324 |
Samtals | 473.414 |
Leik-, grunn- og framhaldsskólastig
F.v. Halldóra Dröfn Hafþórsdóttir Djúpavogsskóla, Þóra Sigrún Hjaltadóttir og Ásta Katrín Helgadóttir Heilsuleikskólanum Háaleiti, Bertha S. Sigurðardóttir Verslunarskóla Íslands, Kristín Harðardóttir HÍ, Sigurður Freyr Sigurðsson Síðuskóla, Steingrímur Benediktsson og Guðrún Lind Gísladóttir Fjölbrautaskólanum Akranesi, Ágúst Ingþórsson forstöðumaður Landskrifstofu Erasmus + hjá Rannís og Andrés Pétursson sérfræðingur hjá Rannís.
Styrkþegi | Heiti umsóknar | Upphæð í evrum |
Djúpavogsskóli | Implementing the ideology of Cittaslow in shools | 69.050 |
Fjölbrautaskóli Vesturlands | Think, Act, Work Sustainable | 114.080 |
Grunnskóli Vestmannaeyja | Meet up with the future | 110.500 |
Háskóli Íslands | Practical Entrepreneurial Assessment Tool for Europe | 91.060 |
Heilsuleikskólinn Háaleiti | What´s your moove? -early intervention through physical activity and the YAP model to promote future wellbeing of disabled children | 46.920 |
Síðuskóli | Traces of Europe | 184.805 |
Verzlunarskóli Íslands | Welcome to My City | 119.610 |
Samtals | 736.025 |
Starfsmenntun
Ágúst Hjörtur Ingþórsson,
forstöðumaður Landskrifstofu Erasmus + á Íslandi ásamt fulltrúum verkefna í starfsmenntahlutanum og verkefnisstjóra starfsmenntahluta Erasmus+, Margréti Jóhannsdóttur.
Styrkþegi | Heiti umsóknar | Upphæð í evrum |
Sfs fræðsla og ráðgjöf / Step by step | Minds into Matter - the "Book of Business" sustainable training tool in the tourist industry | 203.313 |
Landbúnaðarháskóli Íslands | Safe Climbing | 291.079 |
Samtals | 494.392 |
Verkefnisstjórar við undirritun samninga í höfuðstöðvum Rannís í Borgartúni.
*Birt með fyrirvara um innsláttarvillur.