Norface

Hvað er Norface?

NORFACE (New Opportunities for Research Funding Agency Co-operation in Europe) er sk. ERA-net, og er samstarfsvettvangur rannsóknaráða og rannsóknasjóða frá 16 löndum á sviði félagsvísinda.

Hvert er markmiðið?

Markmið NORFACE er að stuðla að samstarfi rannsókna- og vísindaráða innan Evrópu með því að setja upp sameiginlega rannsóknasjóði innan félagsvísinda með áherslu á ákveðin viðfangsefni hverju sinni. NORFACE styrkir félagsvísindi og rannsóknir í félagsvísindum á Evrópska rannsóknarsvæðinu og innan Horizon 2020, rammaáætlunar ESB um rannsóknir og nýsköpun. NORFACE hvetur til samstarfs með því að auðvelda leit að samstarfsaðilum á sama fræðasviði og stuðlar þannig að auknum sýnileika og virkni félagsvísinda.

Hverjir geta tekið þátt? 

Vísindafólk sem starfar að rannsóknum á sviði félagsvísinda. Innan NORFACE eru skilgreind forgangsatriði og sameiginlegum sjóðum komið á fót samkvæmt því. 

Þátttökulönd

Krafist er samstarfs minnst þriggja aðildarlanda NORFACE í hverri umsókn. 

Eftirtalin lönd eru aðilar að NORFACE: Austurríki, Bretland, Danmörk, Eistland, Finnland, Frakkland, Holland, Írland, Ísland, Kanada, Litháen, Noregur, Pólland, Portúgal, Slóvenía, Svíþjóð, Sviss og Þýskaland.