Nordplus auglýsir eftir umsóknum
Opnað hefur verið fyrir umsóknir um styrki í Nordplus. Áhersluatriði áætlunarinnar fyrir 2021 eru aukið samstarf á öllum námsstigum og undirbúningur að grænni framtíð. Umsóknarfrestur er til 1. febrúar 2021.
Hægt er að sækja um styrki til mannaskipta- og samstarfsverkefna á leik-, grunn- og framhaldsskólastigi (Nordplus Junior), á háskólastigi (Nordplus Higher Education), í fullorðinsfræðslu (Nordplus Voksen), til norrænna tungumála (Nordplus Nordens Sprog) og í þveráætlun Nordplus (Nordplus Horizontal).
Áhersluatriði áætlunarinnar fyrir 2021 eru aukið samstarf á öllum námsstigum og undirbúningur að grænni framtíð. Áhersluatriðin eru þó ekki skilyrði fyrir styrk heldur er einnig horft til gæða umsókna.
Umsóknarfrestur er til 1. febrúar 2021 kl. 23:59 (CET).
Nánari upplýsingar má finna á Nordplusonline.org. Þar er að finna tengla á Espresso-umsóknarkerfið og Nordplus handbókina fyrir 2021.
Í ljósi heimsfaraldurs hefur verið opnað fyrir nýja möguleika:
- Hægt verður að stunda rafræn nemenda-, kennara- og starfsmannaskipti
- Hægt er að fá endurgreiddan kostnað vegna rafrænna viðburða
- Fundir sem áætlaðir eru auglitis til auglitis mega færast yfir á netið, án þess að skorið verði í kostnaðarliði
- Stofnanir sem þegar eru með samninga geta framlengt þeim
- Í sérstökum tilvikum má nota sér klausuna um ófyrirsjáanlegar aðstæður.
Ef einhverjar spurningar vakna eru umsækjendur hvattir til að hafa samband við:
- Nordplus fyrir leik-grunn- og framhaldsskóla: Skúli Leifsson
- Nordplus fyrir háskólastigið: Óskar E. Óskarsson og Hulda Hrafnkelsdóttir
- Nordplus fyrir fullorðinsfræðslu: Dóra Stefánsdóttir
- Norræn tungumál og Horizontal, þveráætlun sem nær yfir öll skólastig: Þorgerður E. Björnsdóttir
