Netöryggisstyrkur Eyvarar

• 1.10.2024 - 15:00, Umsóknarfrestur
• 17.3.2025 - 15:00, Umsóknarfrestur

Hvert er markmiðið?

Markmið styrksins er að efla netöryggi og varnir, og stuðla þannig að öryggi gagnvart netárásum.

Hvað er styrkt?

Styrkhæfir verkþættir þurfa að falla undir eftirfarandi flokka sem tengjast netöryggi:

• Efling netöryggismenningar og vitundar.
• Hagnýt menntun, rannsóknir og þróun.
• Örugg stafræn þjónusta og nýsköpun.
• Öflug löggæsla, netvarnir og þjóðaröryggi.
• Skilvirk viðbrögð við atvikum.
• Sterkir innviðir, tækni og lagaumgjörð.

Hverjir geta sótt um? 

Lítil og meðalstór fyrirtæki, SMEs, sem og opinberar stofnanir óháð stærð. Sjá skilgreiningu ESB varðandi SMEs:

• Meðalstór fyrirtæki: Færri en 250 starfsmenn og velta undir 50 miljón evra eða efnahagsreikningur undir 43 miljón evra.
• Lítil fyrirtæki: Færri en 50 starfsmenn og velta eða efnahagsreikningur undir 10 miljónum evra.
• Örfyrirtæki: Færri en 10 starfsmenn og velta eða efnahagsreikningur undir 2 milljónum evra.

Hámarksstyrkur

Styrkur getur numið allt að 15 milljónum króna. Umsóknir sem sækjast eftir hámarksstyrk þurfa að vera sérstaklega vel rökstuddar og fyrir þau verkefni sem hljóta hámarksstyrk verður krafist framvinduskýrslu auk lokaskýrslu.

Mótframlag

Að lágmarki 20% af heildarkostnaði við verkefnið.

Hámarkslengd verkefnis

Lokaskýrslu þarf að skila inn í síðasta lagi 20. ágúst 2026.

Minniháttar aðstoð (De minimis)

Þessi styrkjaflokkur fellur undir reglur um minniháttar aðstoð. Nánari upplýsingar um minniháttar aðstoð má sjá í reglum Tækniþróunarsjóðs Rannís.

Skilyrði úthlutunar: 

Til þess að umsókn teljist styrkhæf verður tengsl verkefnis við markmið netöryggisstyrksins að vera augljós. Verkefnið þarf að vera vel skilgreint og tímaáætlun ljós.

Hlutverk Rannís:

Rannís hefur umsjón með styrknum í samvinnu við Eyvör og sér um yfirferð og mat umsókna.

Sótt er um í rafrænu umsóknakerfi Rannís - Mínar síður