Breytingar í stærð og samsetningu skella í hálsæðavegg og tengsl orsakaþátta - Langsniðsrannsókn - lok öndvegisverkefnis í Rannsóknasjóði
Þessi rannsókn á þróun aðferða til að meta breytingar á stærð og samsetningu æðaskella í hálsæðum með ómskoðun hefur leitt af sér nothæft tól með umtalsverðan áreiðanleika sem nýtist í heilbrigðisrannsóknum og heilbrigðisþjónustu. Notkun þessa tóls við fyrirbyggjandi læknisfræði er ótvíræð og hefur gert kleift að útbúa áhættureikni til að meta líkur á æðakölkun hjá fólki sem reiknast í lágri- eða miðlungsáhættu á að fá hjartaáföll þegar reiknað er með hefðbundnum aðferðum. Þannig má koma í veg fyrir ótímabær, kostnaðarsöm hjarta- og heilaáföll sem jafnvel geta leitt til ótímabærra dauðsfalla.
Unnið er kerfisbundið að því að útfæra aðferðafræðina til notkunar í heilsugæslu og heilbrigðiskerfinu almennt.
Aðferðafræðin og niðurstöður hafa þegar verið kynntar á vísindaráðstefnum og í tveimur handritum sem eru tilbúin til birtingar. Doktors- og meistaraverkefni sem unnin eru úr niðurstöðum verkefnisins eru á lokastigi.
Heiti verkefnis: Breytingar í stærð og samsetningu skella í hálsæðavegg og tengsl orsakaþátta - Langsniðsrannsókn
Verkefnisstjóri: Vilmundur Guðnason, Hjartavernd
Tegund styrks: Öndvegistyrkur
Styrkár: 2009-2011
Fjárhæð styrks: 75,197 millj. kr. alls
Tilvísunarnúmer Rannís: 090452