Erlend markaðssókn á forritunarleiknum Box Island - verkefnislok
Fréttatilkynning verkefnisstjóra.
Frá fyrsta degi náði leikurinn athygli stórra tæknimiðla á alþjóðagrundvelli. Má þar nefna Techcrunch og Mashable sem eru meðal stærstu tæknimiðla í heimi.
Radiant Games er framsækið sprotafyrirtæki sem framleiðir
menntaleiki sem auðvelda krökkum að taka fyrstu skrefin inn í heim forritunar
og tölvunarfræði. Fyrsti leikur fyrirtækisins er ævintýraleikurinn Box Island.
Í leiknum taka krakkar þátt í ævintýri á
eyjunni Box Island, en þar fer aðalsöguhetjan Hiro í leiðangur til að bjarga
vini sínum eftir að loftbelgur þeirra brotlenti
á eyjunni. Box Island var gefinn út í fullri útgáfu þann 16.júní síðastliðinn á
App Store um heim allan fyrir iPad og iPhone snjalltæki. Frá fyrsta degi náði
leikurinn athygli stórra tæknimiðla á alþjóðagrundvelli. Má þar nefna
Techcrunch og Mashable sem eru meðal stærstu tæknimiðla í heimi. Þá er Box
Island sýndur á forsíðu App Store í yfir 75 löndum sem eitt besta nýja
smáforritið fyrir krakka. Þessi umfjöllun og athygli hefur skilað Box Island
yfir 150.000 notendum á fyrsta mánuðinum frá útgáfu þann 16.júní.
Heiti verkefnis: Erlend markaðssókn á forritunarleiknum Box Island
Verkefnisstjóri: Vignir Örn Guðmundsson, Radiant Games ehf.
Tegund styrks: Markaðsstyrkur
Styrkár: 2015
Fjárhæð styrks: 10 millj. kr.
Tilvísunarnúmer Rannís: 153502-061
VERKEFNIÐ VAR STYRKT AF TÆKNIÞRÓUNARSJÓÐI.
Undanfari þess að ná þeim árangri sem hefur verið náð í dreifingu og kynningu Box Island eru þær afurðir sem skapaðar voru í markaðsstyrks verkefni fyrirtækisins. Má þar nefna:
• Kynningarmyndband
Box Island
• Trailer Box Island
• Ný heimasíða Box
Island
• Fjölmiðlapakki
fyrir Box Island (e. press kit)
• Box Island þýddur á
20 tungumál
Þá vann Radiant Games einnig að því í verkefninu að setja á laggirnar frumprófanir í grunnskólum í Bandaríkjunum, m.a. í GAIS skólanum í Palo Alto. Radiant Games fór einnig á ráðstefnur til að koma sýn sinni og vöru á framfæri sem hluti af verkefninu. Má færa sterk rök fyrir því að sambönd sem sköpuðust við frumprófanir og á ráðstefnum hafi spilað stórt hlutverk í þeirri velgengni að koma Box Island á framfæri við útgáfu. Heilt yfir mun afraksturinn af verkefninu hjálpa Radiant Games að breiða áfram út boðskap sinn um að forritun sé lykilþáttur í læsi 21. aldarinnar og að það sé gífurlega mikilvægt að krakkar fái auðvelda og vinalega kynningu á grunngildum fagsins.
Afurðir verkefnis:
Vefsíða Box Island: https://boxisland.io
Kynningarmyndband Box Island: Hér
Trailer Box Island: Hér
Press kit Box Island útgáfu: Hér
Helsti afrakstur verkefnis
- Box Island settur á stall með helstu forritunarupplifunum
í heimi í gegnum Hour of Code átakið
- Box Island nær athygli stórra tæknimiðla á
alþjóðagrundvelli, m.a. Techrunch og Mashable
- Box Island hefur verið sóttur af yfir 150.000 notendum á
fyrstu mánuðunum eftir útgáfu þann 16.júní
- Box Island er sýndur á forsíðu App Store í yfir 75 löndum
sem eitt besta nýja smáforritið fyrir krakka
- Box Island verið settur í frumprófun í þremur grunnskólum
í Bandaríkjunum
Greinar vegna afurða
og afraksturs:
Grein Radiant Games um útgáfuna.
Helstu greinar í erlendum fjölmiðlum:
Techcrunch
Mashable
Adweek
Guardian
Lifehacker
Common Sense Media
Minni greinar:
Pocket Full of Apps
iPhone Glance
Apps Thunder
Web App Rater
Apps Mirror