Fiskur framtíðarinnar / Future Fish - verkefni lokið
Fréttatilkynning verkefnisstjóra
Markmið verkefnisins var að þróa nýjar tækniumbyltandi tilbúnar sjávarafurðir úr verðlitlu aukahráefni til notkunar í 3D matvælaprenturum.
Samvinna verkefnishópsins gaf af sér meðal annars eftirfarandi afurðir.
- þróun á uppskriftum og ferlum til að þrívíddarprennta mismunandi sjávarfang
- tilbúnar grunnuppskriftir fyrir 3D prenthylki með sjávarfangi
- sýningaruppskriftir /hönnun til að kynna 3D prenntun með sjávarafurðum fyrir framtíðarnotendum (t.d. viðburðir, kennslustofur, ráðstefnur)
- námskeið / fræðsluefni til að fræða fólk um notkun þrívíddarprentunar með sjávarfangi almennt og nýtingu vannýttra sjávarafurða
Verkefnið hefur sýnt fram á leið til að skapa verulegan virðisauka, umbreyta aukaafurðum með litlu virði í hágæða vörur með nýstárlegum vinnsluaðferðum. Niðurstöðu þessarar vinnu er hægt að nýta í frekari rannsóknir svo sem hvernig hægt er að aðlaga nýja tækni að flóknum hráefnum eins og aukaafurðum úr sjávarfangi. Niðurstöðurnar geta einnig verið notaðar í veitingarekstri þar sem hægt er að búa til aðlaðandi og næringargóða sérsmíðaða 3D prentaða skammta og rétti úr verðlitlum sjávarafurðum. Þá er hægt að yfirfæra aðferðirnar sem voru þróaðar í verkefninu á önnur flókin og/eða nýstárleg hráefni (t.d. þörunga, einfrumuprótein, skordýr osfrv.) til að útbúa neytendavænar vörur á formi sem höfðar til neytenda.
Samstarfsaðilar verkefnisins þakka Tækniþróunarsjóði fyrir fjárhagslegan stuðning sem hefur verið mjög mikilvægur fyrir framkvæmd verkefnisins.
Nánari upplýsingar um verkefnið veitir Þóra Valsdóttir, Matís.
HEITI VERKEFNIS: Fiskur framtíðarinnar / Future Fish
Verkefnisstjóri: Holly T. Kristinsson
Styrkþegi: Matís ohf.
Tegund styrks: Hagnýt rannsóknarverkefni
Fjöldi styrkára: 3
Fjárhæð styrks: 45.000.000 ISL kr. alls
VERKEFNIÐ VAR STYRKT AF TÆKNIÞRÓUNARSJÓÐI.
