Markaðssókn Memento á erlenda markaði - verkefni lokið
Fréttatilkynning verkefnisstjóra
Með markaðsstyrk frá Tækniþróunarsjóði var Memento ehf. gert kleift að greina markaði og hefja markaðssókn á erlendri grundu, þ.e. útbúa kynningarefni, sækja ráðstefnur og fleira.
Memento er
framsækið fjártæknifyrirtæki sem framleiðir ,,whitelabel” greiðslulausnir fyrir
þriðja aðila sem vill halda í við ört breytilegt greiðsluumhverfi.
Á undanförnum tveimur árum hefur Memento ehf. unnið að þróun á stafrænum greiðslulausnum sem standa til boða fyrir þriðja aðila. Hluti lausna Memento er nú þegar kominn á markað á Íslandi í samstarfi við Íslandsbanka undir nafninu Kass. Lausnirnar hafa verið gefnar út fyrir iOS og Android og eru í dag notaðar af fjölda einstaklinga, óháð viðskiptabanka og símafyrirtæki.
Vöruþróun hefur m.a. skilað af sér tveimur vörum sem eru aðgengilegar í Kass. P2P-greiðslukerfi (vinagreiðslur) sem og viðburðakerfi, sem gerir notendum kleift að safna í púkk og tengja við samfélagsmiðla. Til viðbótar hefur Memento unnið að fleiri vörum en vöruframboðið hefur verið kynnt á erlendum vettvangi síðastliðið ár.
Heiti verkefnis: Markaðssókn
Memento á erlenda markaði
Verkefnisstjóri: Arnar Jónsson, Memento ehf.
Tegund styrks: Markaðsstyrkur
Styrkár: 2017
Fjárhæð styrks: 10. millj. kr.
Tilvísunarnúmer Rannís: 175816
VERKEFNIÐ VAR STYRKT AF TÆKNIÞRÓUNARSJÓÐI.
Með markaðsstyrk frá Tækniþróunarsjóði var Memento gert kleift að greina markaði og hefja markaðssókn á erlendri grundu, þ.e. útbúa kynningarefni, sækja ráðstefnur og fylgja eftir áhuga með því að stunda samfellt sölu- og markaðsstarf sem skerpt hefur mjög á stefnu og vöruframboði fyrirtækisins. Verkefnið hefur lagt grunn að áframhaldandi markaðssetningu Memento í Evrópu.
Memento hlaut verðlaun fyrir Besta app ársins 2016 af Samtökum vefiðnaðarins og í febrúar 2017 hlaut svo fyrirtækið hin virtu fjártækniverðlaun “Best of show” á Finovate, sem er ein stærsta fjártækniráðstefna heims.
Heimasíða: www.mementopayments.com
Árangur:
- Markaðsrannsóknir
og markhópagreining á evrópska markaðnum
- Markaðs-
og kynningarefni fyrir sýningar í Evrópu (kynningarbæklingar og myndefni)
- Hönnun á
vefsvæði
- Þátttaka á
sýningum í Evrópu
- Aðlögun
vöruframboðs bæði að evrópska markaðnum og vegna breyttra reglugerða
- Opnun á
markaði og tengslauppbygging
- Undirritað
samkomulag við dreifingaraðila
- “Best of
show” á Finovate 2017