Markaðstorg fyrir sjálfvirka verkferla - verkefni lokið
Fréttatilkynning verkefnisstjóra
Markmið verkefnisins var að þróa Markaðstorg 50skills fyrir sjálfvirka verkferla til að efla ráðningar og innleiðingu á nýju starfsfólki.
Það fól meðal annars í sér að þróa vörutorg af þjónustum, sem viðskiptavinir geta skoðað, valið, stillt og tengt við 50skills og þannig tengt helstu þjónustur sem þeir nota nú þegar við innleiðingu á nýju starfsfólki.
Verkefnið kláraðist að mestu skv. áætlun. Síðan verkefnið hófst hefur hugbúnaður 50skills og notkun á honum vaxið ásmegin. Þúsundir stjórnenda nota nú 50skills í hverjum mánuði, og hefur lausnin unnið úr yfir 500.000 starfsumsóknum. 5/10 stærstu fyrirtækjum Íslands notað lausnina og alls yfir 150 vörumerki, ýmis þekkt á alþjóðavísu.
Vísbendingar eru um að 50skills geti náð fótfestu á alþjóðavettvangi sem leiðandi hugbúnaðarlausn á sviði ráðninga og innleiðingar á nýju starfsfólki.
Fyrir lok verkefnisins sótti 50skills fjármögnun uppá 360 milljónir íslenskra króna frá fagfjárfestum, til að styðja við frekari þróun og vöxt félagsins á alþjóðavísu.
HEITI VERKEFNIS: Markaðstorg fyrir sjálfvirka verkferla
Verkefnisstjóri: Kristján Freyr Kristjánsson
Styrkþegi: 50skills ehf.
Tegund styrks: Vöxtur
Fjöldi styrkára: 2
Fjárhæð styrks: 25.000.000 ISL kr. alls
VERKEFNIÐ VAR STYRKT AF TÆKNIÞRÓUNARSJÓÐI
