Mín heilsa - verkefni lokið
Fréttatilkynning verkefnisstjóra
Síðustu þrjú ár hefur fyrirtækið Nordverse AI unnið að máltæknilausn sem styrkt var af Tækniþróunarsjóði.
Lausnin er komin langt á veg en hún
getur auðveldað mörkun stórra málheilda og gagnast í uppsetningu og þróun máltækniverkefna.
Hún verður brátt tilbúin til prófunar en fyrirtækið er að leita að
samstarfsaðilum sem búa yfir mikið af textagögnum og hafa áhuga á að prófa lausnina.
Covid faraldurinn hafði mikil áhrif á verkefnið en upphaflegt markmið þess var þróun máltæknilausnar sem byggði á sjúkraskýrslugögnum og gæti einfaldað þau. Sökum faraldursins voru heilbrigðisstofnanir ekki aðgengilegar fyrir þróun tæknilausna. Teymið þurfti því að endurhugsa markmið sín og lenti það á endanum á lausn sem hægt er að nota fyrir máltækni á öllum sviðum, ekki bara innan heilbrigðiskerfisins. Lausnin getur haft áhrif á þróun máltækni jafnt innanlands sem utan en hún er ekki byggð sérstaklega fyrir íslensku og virkar fyrir flest tungumál.
Aðilar áhugasamir um samstarf geta haft samband á netfangið contact@nordverse.com.
HEITI VERKEFNIS: Mín heilsa
Verkefnisstjóri: Kjartan Þórsson
Styrkþegi: Nordverse AI
Tegund styrks: Sproti
Fjöldi styrkára: 1
Fjárhæð styrks: 20.000.000 ISL kr. alls
VERKEFNIÐ VAR STYRKT AF TÆKNIÞRÓUNARSJÓÐI
