Framleiðsla á heilsusalti - verkefnislok
Arctic Sea Salt ehf. hefur lokið verkefninu "Framleiðsla á heilsusalti (Lág natríum salti)" sem unnið var með styrk frá Tækniþróunarsjóði. Verkefnið stóð yfir í eitt ár og heildarstyrkur Tækniþróunarsjóðs var 10 milljónir króna. Markmiðið með verkefninu var að búa til vélbúnað sem framleiðir lág-natríum salt úr sjó með jarðvarma. Heilsusaltið sem framleitt var hefur 60% minna magn af natríum en venjulegt borðsalt. Saltið hentar sérstaklega vel þeim sem vilja lækka hjá sér blóðþrýsting. Saltið hefur hlotið góðar móttökur á markaðanum og hefur fyrirtækið skrifað undir sölusamning á framleiðslunni til innlendra aðila.
Heiti verkefnis: Framleiðsla á heilsusalti
Verkefnisstjóri: Sarah Branci, Arctic Sea Salt ehf.
Tegund styrks: Verkefnisstyrkur
Styrkár: 2012
Fjárhæð styrks: 10 millj. kr.
Tilvísunarnúmer Rannís: 120916
VERKEFNIÐ VAR STYRKT AF TÆKNIÞRÓUNARSJÓÐI.
Styrktartímabili Tækniþróunarsjóðs er nú lokið en verkefnið er rétt að byrja. Á þróunartímanum breyttist verkefnið frá því að vera hugmynd að framleiðsluaðferð sem þróuð hafði verið á tilraunastofu yfir í vélvætt framleiðsluferli. Á næstu mánuðum og árum er ætlunin að halda áfram að þróa framleiðsluaðferðina með það að markmiði að auka afköstin ennþá frekar.
Listi yfir afrakstur verkefnisins
- Saltsnigill. Tækjabúnaður sem framleiðir 120 kg/sh af heilsusalti.
- Íslenskt einkaleyfi frá 18.06.2010 nr. 8903.
- Evrópska einkaleyfisstofan (EPO) hefur tilkynnt auglýsingu ("publication") einkaleyfisins númer 2582255.
- Einkaleyfisumsókn hefur verið lögð fram í eftirfarandi löndum: Bandaríkjunum, Kanada, Evrópu, Kína, Japan, Indlandi og er beðið niðurstöðu þess.