Framleiðsla á kítíntvísykrum - verkefnislok
Fréttatilkynning verkefnisstjóra
Glukósamin (kítíneinsykrur) hafa lengi verið vinsæl fæðubótarefni enda hafa rannsóknir sýnt fram á jákvæð áhrif á slitgigt með linun sársauka. Sérstaða framleiðsluferilsins og nýnæmi er fólgin í því að framleiða kítín-niðurbrotsafurð af afmarkaðri stærð, þ.e. tvísykru með öflugum lífhvötum sem eiga uppruna sinn í íslensku lífríki. Slík afurð getur leyst viðkomandi einsykru, N-acetylglucosamin og glúkósamín, af hólmi á markaði fæðubótarefna. Tvísykran hefur sömu eiginleika og einsykran en er ekki skilgreind sem lyf og því er hægt að selja tvísykruna á markaði fæðubótarefna, sem opnar ótalmörg tækifæri fyrir afurðina.
Heiti verkefnis: Framleiðsla á kítíntvísykrum
Verkefnisstjóri. Guðmundur Óli Hreggviðsson, Matís ohf.
Tegund styrks: Verkefnisstyrkur
Styrkár: 2010-2011
Fjárhæð styrks: 16 millj. kr. alls
Tilvísunarnúmer Rannís: 101217
VERKEFNIÐ VAR STYRKT AF TÆKNIÞRÓUNARSJÓÐI.
Afrakstur verkefnisins:
- Hámarkaður vinnsluferill kítíntvísykra. Umhverfisvæn framleiðsla sem byggir á notkun íslenskra lífhvata og grænni orku. Unnt að hefja stórframleiðslu tvísykra með stuttum fyrirvara
- Dýrmæt lífvirk efni, kítíntvísykrur, fyrir markað fæðubótaefna, hér á landi og erlendis
- Lífhvatar úr íslenskri náttúru, fyrir skilvirka vinnslu á kítín-fæðubótarefnum
- Tilraunaskýrslur/afrakstursskýrslur
