Markaðssetning og endurgreiðslulyklar - verkefnislok
Fréttatilkynning verkefnisstjóra
Stoðefni félagsins eru affrumað fiskiroð sem markaðssett eru undir vörumerkinu Kerecis Omega3. Kerecis Omega3-tæknin stuðlar að endurvexti á sköðuðum vef og hefur burði til að kollvarpa vinnulagi við sára- og vefjaviðgerð um heim allan. Félagið framleiðir einnig húðmeðhöndlunarvörur sem innihalda Omega3-fitusýrur og markaðssettar eru undir vörumerkinu Kerecis mOmega3.
Heiti verkefnis: Markaðssetning og endurgreiðslulyklar
Verkefnisstjóri: Dóra Hlín Gísladóttir, Kerecis ehf.
Tegund styrks: Verkefnisstyrkur
Styrkár: 2013
Fjárhæð styrks: 12,5 millj. kr.
Tilvísunarnúmer Rannís: 131809-061
VERKEFNI VAR STYRKT AF TÆKNIÞRÓUNARSJÓÐI.
Tækni Kerecis er varin með einkaleyfum á meginmarkaðssvæðum félagsins. Markaðsleyfi liggja fyrir í nokkrum löndum sem og skráning á vörunni í endurgreiðslukerfum tryggingafélaga og stofnanna.
Stuðningur Tækniþróunarsjóðs á verkárinu 2013/2014 gerði félaginu kleift að framkvæma tvær stórar klínískar prófanir sem sýna fram á virkni og öryggi vörunnar. Prófanirnar voru undanfari markaðssetningar í Bandaríkjunum og öðrum landssvæðum svo sem Þýskalandi, Bretlandi, Tyrklandi, Kuwait og Indlandi.
Listi yfir afrakstur verkefnisins, sem og skýrslur, greinar og handrit.
Niðurstöður rannsóknanna hafa verið gefnar út á veggspjöldum sem birt hafa verið á SAWC, Wounds UK og EWMA.
Unnið er að birtingu greina í ritrýndum tímaritum og hefur ein grein þegar verið samþykkt til birtingar í ritrýndu tímariti.
