Markaðssetning Lúllu - verkefni lokið
Fréttatilkynning verkefnisstjóra
Lúlla er rafdrifin tuskubrúða úr náttúrulegum efnum sem er ætlað að bæta gæði svefns, bæta líðan og styðja við þroska ungra barna. Notkun hennar kemur jafnvægi á öndun og hjartslátt og eykur með því öryggi fyrirbura og ungbarna.
RóRó ehf er sprotafyrirtæki sem vinnur að þróun, rannsóknum og markaðssetningu á Lúllu dúkkunni.
Lúlla er rafdrifin tuskubrúða úr náttúrulegum efnum sem er ætlað að bæta gæði svefns, bæta líðan og styðja við þroska ungra barna. Notkun hennar kemur jafnvægi á öndun og hjartslátt og eykur með því öryggi fyrirbura og ungbarna.
Heiti verkefnis: Markaðssetning Lúllu
Verkefnisstjóri: Eyrún Eggertsdóttir, Róró ehf.
Tegund styrks: Markaðsstyrkur
Styrkár: 2013
Fjárhæð styrks: 8 millj kr.
Tilvísunarnúmer Rannís: 132033-061
VERKEFNIÐ VAR STYRKT AF TÆKNIÞRÓUNARSJÓÐI.
Svefnvandamál ungbarna er algengt vandamál en svefnskerðing getur haft alvarlegar afleiðingar í för með sér bæði fyrir foreldra og börn. Hugmyndin að virkni og áhrifum dúkkunnar er byggð á fjölda rannsókna og ráðgjöf frá sérfræðingum á mörgum sviðum tengdum heilbrigði, tækni og hönnun. Lúlla hefur verið í þróun seinustu ár frá því hugmyndin vann Gulleggið 2011, en er nú á leiðinni á markað í fyrsta sinn.
RóRó fékk markaðsstyrk frá Tækniþróunarsjóði til að markaðssetja dúkkuna erlendis. Styrkurinn gerði fyrirtækinu kleift að sýna á tveimur barnavörusýningum í Bretlandi á árinu 2014 þar sem er markaðssett til fyrirtækja. Vörusýningarnar voru ómissandi þáttur í uppbyggingu viðskiptatengsla í Bretlandi og upphafið af samningum við verslanir og dreifingaraðila þar. RóRó og Lúlla dúkkan hafa fengið mjög jákvæð viðbrögð frá bæði endursöluaðilum og fjölmiðlum.
Í lok árs 2014 var farið í markaðsátak í tengslum við hópfjármögnun fyrirtækisins til þess að eiga fyrir fyrstu framleiðslu dúkkunnar. Verkefnið gekk framar vonum og náðist full fjármögnun ásamt því að það fengust styrkir til að gefa dúkkur á Barnaspítala hringsins, Rjóður, Umhyggju, Spítalann á Akureyri, Elliheimilið Grund og á munaðarleysingjaheimili á vegum Sól í Togo.
Á nýrri heimasíðu okkar www.roro.is er hægt að fylgjast með nýjustu fréttum og hvar hægt er að fá Lúllu dúkkuna.
Listi yfir afrakstur verkefnisins:
- Vörusýningar: Harrogate Nursery Fair og Bubble London Kid´s Trade Fair Helsta umfjöllun: Vogue (UK), Tatler, Babyology, Nursery Today, Gurgle magazine.
- Hópfjármögnun sem náði settu markmiði.
- Markaðsefni: Kynningarmyndband, ljósmyndir, ný lógó, “press kit” og annað kynningarefni fyrir markaðssetningu enskumælandi mörkuðum.
- Forsala farin vel af stað, yfir 600 eintök seld í 30 löndum.
- Ný heimasíð, með samtengdri bloggsíðu. Netverslun er í vinnslu.