Markaðssetning á RM Studio – hugbúnaðarlausn til áhættustjórnunar - verkefnislok
Fréttatilkynning verkefnisstjóra
RM Studio er hugbúnaður til áhættustjórnunar sem þróaður hefur verið alfarið af Stika ehf. og notið hefur verkefnisstuðnings frá Tækniþróunarsjóði. Stiki fékk úthlutað markaðsstyrk frá Tækniþróunarsjóði í fyrra sem hefur verið nýttur til að styrkja enn frekar sölu- og markaðssetningu á hugbúnaðinum erlendis.
Heiti verkefnis: Markaðssetning á RM Studio – hugbúnaðarlausn til áhættustjórnunar
Verkefnisstjóri: Erlendur Steinn Guðnason, Stika ehf.
Tegund styrks: Markaðsstyrkur
Styrkár: 2014
Fjárhæð styrks: 10 millj. kr.
Tilvísunarnúmer Rannís: 142340-061
VERKEFNIÐ VAR STYRKT AF TÆKNIÞRÓUNARSJÓÐI.
RM Studio er selt í gegnum vöruvef hugbúnaðarins www.riskmanagementstudio.com og gegnum fimm samstarfsaðila í jafn mörgum löndum. Árangur verkefnisins er sá að nú eru hátt í 50 viðskiptavinir í 16 löndum sem nota RM Studio og sala fyrirtækisins á hugbúnaðinum jókst um 20% milli áranna 2013 og 2014.
Ávinningur verkefnisins fyrir utan aukna sölu hefur verið aukinn sýnileika RM Studio á markaði og betri skilningur á hvers konar markaðssetning skili árangri. Væntingar eru um að þessi markaðssetning muni skila áframhaldandi söluaukningu í framtíðinni. Aukin áhersla verður á Norður-Ameríkumarkað sem verkefnið hefur sýnt að er lykilmarkaður fyrir RM Studio.
