Örmælir - verkefni lokið
Fréttatilkynning verkefnisstjóra
Verkefnið felst í hönnun og þróun á tæki (Örmæli) sem mælir vökvamagn í míkrólítrum, eða mjög lítið rúmmál.
Vísindamenn
nota Örmæli á rannsóknarstofu, en tækið gerir þeim kleift að fylgjast með
vökvarúmmáli í verkferlum sem krefjast þess að vökvarúmmál sé hárnákvæmt. Ef svo
er ekki, er hætta á endurtekningum sem fela í sér aukinn kostnað vegna efnis,
vinnu og tíma. Tækið gagnast við krabbameinsrannsóknir, rannsóknir á fóstrum í
tengslum við hjartagalla og á ýmsum sjálfsónæmissjúkdómum svo dæmi séu tekin.
Rannsóknaraðferðir sem Örmælir gagnast við eru t.d. örplötumælingar (Micro
Array Analyses), ELISA rannsóknir og raðgreiningar (PCR) svo eitthvað sé nefnt.
Allar þær niðurstöður sem hafa fengist á styrktímabilinu verða notaðar í áframhaldandi þróun á Örmæli. Logo, litir, letur, heimasíða markaðsgreining og þeir aðrir fjölmörgu þættir sem Tækniþróunarsjóður hefur gert teymi Örtec kleift að framkvæma munu án efa styrkja fyrirtækið í áframhaldandi vinnu og er vegur fyritækisins greiðari eftir að hafa hlotið Sprota styrk.
HEITI VERKEFNIS: Örmælir
Verkefnisstjóri: Sunna Björg Skarphéðinsdóttir
Styrkþegi: Örtec
Tegund styrks: Sproti
Fjöldi styrkára: 1
Fjárhæð styrks: 20.000.000 ISL kr. alls
VERKEFNIÐ VAR STYRKT AF TÆKNIÞRÓUNARSJÓÐI
