The Darken: Echoes of the End - verkefni lokið
Fréttatilkynning verkefnisstjóra.
Markmið verkefnisins var að ná beinu sambandi við núverandi notendur Theme í Bandaríkjunum og kynna rannsóknarhugbúnaðinn fyrir nýjum mögulegum notendum á núverandi og nýjum fræðisviðum.
Á verktímabilinu var Theme sett í uppfærðar umbúðir fyrir markaðssetningu, undirbúið var nýtt kynningarefni, nýjar sölurásir og hafin var markaðssetning til núverandi notenda sem og notenda á nýjum markaðsviðum og þverfaglegum vísindamarkaði í mótun.
Listi yfir um 200 núverandi leyfishafa/notendur Theme í Bandaríkjunum lá fyrir og lokið er vinnu við að korleggja fræðilegt tengslanet þeirra notenda og lista þannig upp mögulega nýja notendur. Á tímabilinu hafa yfir 50 nýir notendur bæst í hópinn í Bandaríkjunum.
Gerður var samanburður á T-algrími við aðrar almennar og sértækar aðferðir sem notast er við greiningu á þeim fræðasviðum sem varan hefur verið markaðssett á. Niðurstöður hafa þegar verið kynntar á nokkrum alþjóðlegum ráðstefnum í Bandaríkjunum, Evrópu og Asíu á tímabilinu, m.a. Measuring Behavior 2018; 9th European Conference on Behavioral Biology; VII European Congress of Methodology; Bioinformatics 2018; 11th World Congress and Expo on Cell & Stem Cell Research og 10th MASI meeting: Methodology for the analysis of social interaction. Niðurstöður hafa í framhaldinu verið birtar í völdum vísindaritum og bókum og notaðar í kynningarefni sem sent hefur verið á markhópa verkefnisins.
Þá er einnig lokið uppfærslu vörumerkja og heimasíðu, m.a. með rafrænt sölukerfi og notendagagnagrunn.
Sjá nánar á: https://www.myrkur.is/
HEITI VERKEFNIS: The Darken: Echoes of the End
Verkefnisstjóri: Friðrik Aðalsteinn Friðriksson
Styrkþegi: Myrkur Games ehf.
Tegund styrks: Sproti
Fjöldi styrkára: 2
Fjárhæð styrks: 15 ISK millj. kr. alls
VERKEFNIÐ VAR STYRKT AF TÆKNIÞRÓUNARSJÓÐI.
