Þróun á frumgerð snjallspegils - verkefni lokið
Fréttatilkynning verkefnisstjóra
Vonir standa til að snjallspegillinn muni nýtast við gagnaöflun í rannsóknum á unglingabólum og mögulegum tengslum þeirra við mataræði, svefnvenjur og hreyfingu notenda.
Hönnunar- og tæknifyrirtækið Wonwei hefur undanfarið unnið
að þróun svokallaðs snjallspegils, sem er tölvuvæddur spegill með innbyggðri
myndavél. 
Varan sem er aðallega ætluð aðilum í húðsjúkdómarannsóknum og
tölvusjón, býður upp á keyrslu á reikniritum fyrir tölvusjón til greiningar á
húðástandi og öðrum breytingum á andliti notanda spegilsins. Frumgerðin keyrir
á nýju stýrikerfi frá Google, Android Things, sem er sérstaklega ætlað fyrir
minni snjalltæki. Næstu skref í verkefninu eru prófanir á frumgerð tækisins með
samstarfsaðilum úr rannsóknarumhverfi háskóla og lyfjaiðnaðar. Vonir standa til
að afrakstur verkefnisins, frumgerð snjallspegils, muni nýtast við gagnaöflun í
rannsóknum á unglingabólum og mögulegum tengslum þeirra við mataræði,
svefnvenjur og hreyfingu notenda.
Heiti verkefnis:
Þróun á frumgerð snjallspegils
Verkefnisstjóri: Haraldur Haraldsson, Wonwei
Styrkþegi: Wonwei slf.
Tegund styrks: Frumherjastyrkur
Styrkár: 2015-2016
Tilvísunarnúmer Rannís: 142497
VERKEFNIÐ VAR STYRKT AF TÆKNIÞRÓUNARSJÓÐI.
Afrakstur:
Vefsíða frumgerðar: www.reeflect.me
